Тактиканинг фан сифатида вазифалари

Qishda jangovar harakatlar olib borishdagi texnik ta’minot.
Qurol-aslaha va texnikani qishda ekspluatatsiya qilishni murakkablashtiruvchi omillarga quyidagilar kiradi:

- havoning past harorati (moyning vyazkosti oshadi, bu dvigatelning o‘t olishini qiyinlashtiradi; uni eskirishini tezlashtiradi; dvigatelni yoqishdan oldin va o‘t olganidan so‘ng qizdirish uchun qo‘shimcha ishlar talab etiladi; qurol-aslaha va harbiy texnikaning tizimlari, uzel va agregatlarida yonilg‘i, moy va gidravlik tizimlarning havo uzatish quvurlarida va boshqalarda muz tiqinlarini hosil bo‘lishi natijasida nosozliklar paydo bo‘lishi mumkin; salniklar, ventillar, jumraklarning zichlash materiallarining egiluvchanligini yo‘qotishi natijasida zichlagichlarning ishonchliligi va ish qobiliyati pasayadi; AKBlarning ish qobiliyati pasayadi);

- chuqur qor qatlamining mavjudligidan mashinalarni haydash qiyinlashadi; harakat tezliklari pasayadi; past uzatkichlarda harakatlanish yonilg‘i sarfini oshiradi, bu esa mashinalarning yonilg‘i bo‘yicha yurish zahirasini kamaytiradi; g‘ildirakli mashinalarning o‘tuvchanlik qobiliyati pasayadi, bu esa moddiy vositalarni keltirishni qiyinlashtiradi; tabiiy va sun’iy g‘ovlar niqoblanadi, bu esa ulardan o‘tishni qiyinlashtiradi, minalarni topish va evakuatsiya qilinishi kerak bo‘lgan shikastlangan mashinalar turgan joylarni minasizlashtirish qiyinlashadi;

- muzlagan qattiq er (sirpanish xavfini, shataklarni va shatakka olinayotgan mashinalarni tiqilib qolishi imkonini oshiradi; shataklarni er bilan ilashishi kamayadi, bu esa buksovat qilishga olib keladi; er-tayyorgarlik ishlarining davomiyligi oshadi);

- qor uchishi va bo‘ronlar (ta’mirlash-evakuatsiya ishlarini bajarishni qiyinlashtiradi, ish samaradorligi pasayadi);

- sutkada qorong‘u vaqtning ko‘pligi;

- niqoblash sharoitlarining yomonlashuvi (qor bosgan va g‘ildirakli mashinalar uchun yopiq bo‘lgan tabiiy pana joylardan foydalanish qiyinlashadi).