Тактиканинг фан сифатида вазифалари

CHo‘lda texnik ta’minot

Cho‘llar – bu qum taqirlar bilan qoplangan tekis joylardir. Issiqlik shaxsiy tarkibni charchashini oshiradi, haroratning sutka davomida qattiq o‘zgarishlari shamollash kasalliklarini keltirib chiqaradi.

Yuqori harorat dvigatelni sovutish tizimidan sovutish suyuqligini ko‘p parlanishiga, ABK dan distillangan suvni qaynab chiqib ketishiga olib keladi. Protivootkat qurilamalari alohida e’tibor talab qiladi, ularni tog‘li-cho‘l sharoitida jangovar harakatlar olib borishda deyarli har kuni ko‘rikdan o‘tkazish va tekshirib turish kerak.

Qurol-aslaha va texnikaga texnik xizmat ko‘rsatish ishlarining davomiyligi 40-50 % oshib ketadi, shundan ancha qismi agregatlar, uzellar va mexanizmlarni chang va qumdan tozalashga ketadi. CHo‘llarda katta kengliklarda suv manbaylari uchramaydi. Suv manbaylari oazislar va aholi yashash punktlarida bo‘lib ko‘p hollarda suv shaxsiy tarkib ichishi hamda dvigatelni sovutish tizimiga quyish uchun aslahasizdir.

Qum va qumli chang dvigatellar, yurish qismi, qurol-aslaha, boshqarish muruvvatlari va mashinalarning boshqa agregatlari va mexanizmlarining ishlashiga salbiy ta’sir ko‘rsatadi, ularni eyilishini tezlashtiradi, bu esa ekspluatatsiya sabablariga ko‘ra yo‘qotishlar sonini oshiradi.

Qum bo‘ronlari radiostansiyalarining ishlash qobiliyatiga salbiy ta’sir ko‘rsatadi. Bo‘ron boshlanishidan bir soat oldin pomexlar paydo bo‘ladi, qumli bo‘ron yaqinlashgan sari ular birdaniga oshib boradi va radiostansiyada ishlashni deyarli iloji qolmaydi.

Mashinalarning korpuslarida yuqori statik kuchlanish hosil bo‘ladi (mashinalar va radiostansiyalarni er bilan birlashtirish kerak). CHo‘llarning tekisligi jang maydonidagi mashinalarni kuzatishni va texnik razvedka vazifalarini bajarishni osonlashtiradi, ammo ta’mirlash-evakuatsiya vositalari va shikastlangan mashinalarni niqoblashni qiyinlashtiradi. Yo‘l tarmog‘larining sust rivojlangani oqibatida evakuatsiya vositalarining ish samaradorligi pasayadi. Yo‘llar asosan sifatsiz, ayrim joylarda avtomobil transporti o‘tishi qiyin bo‘lib, texnik mulk va boshqa moddiy vositalarni etkazib berishni qiyinlashtiradi.

Ekipashlarni tayyorlashda qurol-aslaha va texnikani yuqori haroratli sharoitlarda to‘g‘ri ekspluatatsiya qilish, mashinalarni qumliklar va taqirlarda haydashga e’tibor beriladi.