Тактиканинг фан сифатида вазифалари

Tashishga vazifalar qo‘yishda quyidagilar ko‘rsatiladi:

Qaerdan, qaerga (kimga), qancha, qanaqangi moddiy vositalar va qancha muddatda tashib keltirish; harakatlanish yo‘nalishi va uning xususiyatlari; qaerga, nimani, qachon yuklash va moddiy vositalarni tushirilgandan keyin qaerga etkazish; niqoblash choralari, yo‘lda qo‘riqlash va mudofaa qilish; yuklarni taklash va mahkamlash qoidalari, va yuklash (tushurish) va harakatda unga e’tibor qaratilishi; o‘z bo‘linmasiga qaytish vaqti va joyi.

Kolonna boshliqlari, mashina kattalari va barcha haydovchilar tashib keltirayotgan yuklarning qabul qilish paytidan to topshirgunlarigacha uning saqlanishi uchun javobgarlikni bo‘yniga oladilar. Ular xavfli yuklarni to‘g‘ri yuklanishini tekshirishga majbur, texnik nosoz mashinalarni reysga chiqishiga yo‘l qo‘ymasliklari, tashish va evakuasiya bo‘yicha vazifalarni bo‘ysinuvchilari tomonidan o‘z vaqtida va to‘g‘ri bajarilishini ta’minlashlari va komanda bo‘yicha bu haqda bildiruv berishlari lozim.

Ular quyidagilarga majbur:

- mashinaga ko‘rsatilgan me’yordan ko‘p yuklarni yuklashga va nosoz idishlarda yuklarni yuklashga yo‘l qo‘ymaslikga;

- yuklarni to‘g‘ri taklash maxkamlanishiga qarash va tashilayotgan yuklarni hujjatlarini to‘g‘ri rasmiylashtirilishini nazorat qilishga;-harakat yo‘nalishi va tashish sharoitlarini aniq bilishlari;

- harakatlanish, niqoblash va texnika xavfsizligi qoidalariga qat’iy rioya qilishga;

- moddiy vositalarni va evakuasiya qilinayotgan yuklarni tayinlangan joylarga o‘z vaqtida va to‘liq saqlanishi va etkazib berilishiga.

Vzvodlarda o‘q-dorilar va boshqa moddiy vositalar zaxiralarini to‘ldirish va jangovar texnikalarga yonilg‘i quyish qoidaga ko‘ra, jangdan oldin va har bir jangovar harakatlar kunidan keyin amalga oshiriladi, ba’zi bir vaziyatlarda–jang davomida ham bo‘lishi mumkin. Birinchi navbatda moddiy vositalar bilan birinchi eshelonda harakatlanayotgan, ko‘proq ehtiyojga muhtoj bo‘linmalar ta’minlanadi. Marshda bo‘linmalarda sarflangan moddiy vositalar o‘rnini to‘ldirish asosan privallarda va tungi (kunduzgi) dam olish vaqtlarida va tayinlangan tumanga etib kelgandan keyin amalga oshiriladi.

Moddiy vositalarni tashishni tashkillashtirishda quyidagilarni hisobga olish kerak, jangovar vaziyatlarda tashishni tunda, tumanda va boshqa ko‘rish sharoitlari qiyin paytlarda amalga oshirish maqsadga muvofiqdir.

Hujumda vzvodlar va front orti ta’minoti bo‘linmalarini holati tez o‘zgaruvchan bo‘ladi. SHuning uchun transport harakatini to‘g‘ri kelishish kerak, asosan tunda, maqsadi, vaqti va joyini. Bunda haydovchilarni joylarda o‘z joyini aniqlashni kompasdan, yo‘l belgilari orqali va joylardagi buyumlardan yaxshi bilishi, hamda bo‘linmalardan qaysilarni adreslariga moddiy vositalar etkazib berilayotgani yoki transportlarini evakuasiya qilishni amalga oshirish uchun kelayotgan transportlarni, ushbu bo‘linmadan tayinlangan kuzatuvchi transportlarning kutib olishini tashkillashtirish katta o‘rinni egallashi mumkin. Transport vositalarini tushurishni (yuklash)ni tezlashtirish va ularni tayinlangan manzillariga qarab tez jo‘natishni ta’minlash o‘ta muhimdir.