Тактиканинг фан сифатида вазифалари

Qurol-aslaha va texnikani tayyorlashda quyidagilarga alohida e’tibor beriladi:

• 
  navbatdagi texnik xizmat ko‘rsatishni o‘z vaqtida o‘tkazishga, qurol-aslahani jangovar qo‘llashga tayyorlashga (ayniqsa mo‘ljallash moslamalarini rostlash).
  
• 
  barcha tizimlar, asboblar, mexanizmlar, agregatlar va uzellarning ishga yaroqliligini tekshirishga;
  
• 
  AKBlarni zaryadlashga, jumladan tungi mo‘ljallash asboblari va ko‘chma radiostansiyalarnikini ham;
  
• 
  har bir tank, BMP, BTRda o‘q-dorilarning ko‘paytirilgan zahiralarini yaratishga;
  
• 
  jangovar va transport mashinalarining yuqori o‘tish va harakat xavfsizligini ta’minlovchi vositalar bilan ta’minlashga;
  
• 
  har bir mashinada suv, yonilg‘i, moylash materiallari hamda ularni MQH yoki marsh davomida ekipaj yoki haydovchilar kuchi bilan ta’mirlash bo‘yicha birinchi navbatdagi ishlarni bajarish uchun zarur bo‘lgan ehtiyot qismlar zahiralarini yaratishga.
  

Bo‘linmalarda amaliy ishlar komandirlarga, shaxsiy tarkibga bo‘linmalarni aniq jangovar vazifani bajarishga tayyorlashni tashkillashtirish va uni bajarish uchun barcha zarur ashyolar bilan ta’minlashda yordam ko‘rsatish uchun o‘tkaziladi.

Texnik ta’minotni tashkillashtirishda harbiy qism komandiri: asosiy kuchlardan ajralgan holda harakat qilayotgan bo‘linmalarni hamda inshootlarni qo‘riqlayotgan va qo‘riqlash zastavasi tarkibida, nazorat o‘tkazish punkti (NO‘P) va blokpostlar tarkibida harakat qilayotgan bo‘linmalarning texnik ta’minotini tashkillashtirish bo‘yicha vazifalarni ko‘rsatadi.

Ichkari (frontorti) ta’minotini tashkillashtirishda esa: jangovar mashinalar va harbiy xizmatchilar uchun moddiy vositalarning qo‘shimcha zahiralarining me’yorlarini; ovqatlanish, suv ta’minoti va moddiy vositalarni keltirishni tashkillashtirishning alohida xususiyatlari; yong‘inlarni o‘chirish, vayronalarni tozalash, ichkari (frontorti) bo‘linmalarini qo‘riqlash bo‘yicha qo‘shimcha choralarni.