Тактиканинг фан сифатида вазифалари

MQHning maqsadlari:

- halqaro terrorchi va ekstremistik tashkilotlarning qurollangan tuzilmalarini o‘rab olish, zararsizlantirish va yo‘q qilish;

- qonunchilik va huquq tartibotni tiklash;

- jamiyat xavfsizligi va barqarorligini ta’minlash;

- tinch aholiga zarur yordam ko‘rsatish va yagona strategik reja doirasida Uzbeksiton Respublikasi Konstitutsiyasi va harakatdagi qonunchiligi asosida qurolli mojaroni to‘liq hal qilish uchun sharoit yaratish.

Qurolli mojarolarni hal qilish davomida umumqo‘shin bo‘linmalarining MQHlari uning oldini olish bosqichida himoyaviy, unga chek qo‘yish bosqichida esa hujumkor xarakterga ega bo‘ladi.

Ushbu vazifalarni hal etishdagi MQH larining himoyaviy xarakterdagi turlariga quyidagilarni kiritish mumkin:

- davlat yoki ma’muriy (ichki hududlarni o‘rab olishda) chegaralarni qo‘riqlashni kuchaytirish;

- muhim davlat (harbiy) inshootlari va kommunikatsiyalarini qo‘riqlash va himoyalashni kuchaytirish.

Ushbu bosqichdagi hujumkor xarakterdagi MQH turlariga quyidagilarni kiritish mumkin:

- razvedka-qidiruv, razvedka-zarba va reyd (reyd-shturm) harakatlari;

- dushmanning qurolllangan tuzilmalarini bevosita qurshab olish va yo‘q qilish;

- dushman yo‘q qilinganidan so‘ng qurshov rayonini «tozalash» va boshqalar.

MQH olib borishi xarakteriga qarab javobgarlik zonasi tayinlanadi. Batalonning javobgarlik zonasining kattaligi front bo‘yicha 30-40km. gacha va ichkariga 15-20 km. ni tashkil etishi mumkin.

Qismlar MQHni o‘tkazish rayonlariga bevosita doimiy turar joylaridan (DTJ) yoki oldindan egallangan baza markazidan, batalon esa – baza rayonidan chiqishi mumkin.

MQHni o‘tkazishda odatda ichkari boshqaruv punkti (IBP) tuzilmaydi, uning guruhi esa asosiy qo‘mondonlik punkti (QP) tarkibiga kiradi.

MQH davomida har tomonlama ta’minot turli xil vazifalarni bajarayotgan, ba’zida bir-biridan uzoq masofalarda joylashgan (taqsimlangan rayonlarda) bo‘linmalarning mustaqilligini ta’minlash maqsadida ko‘pincha avtonom (zonalar bo‘yicha) tarzda amalga oshiriladi.