Тактиканинг фан сифатида вазифалари

Hujum davomida texnik ta’minot
Atakaga o‘tish marrasiga chiqishda bo‘linmalar to‘xtagan vaqtdan mashinalarni nazorat ko‘rigidan o‘tkazish uchun foydalanish mumkin. Ishlarning hajmi va ularni davomiyligi to‘xtashlarning davomiyligiga bog‘liqlik bo‘ladi. Agar batalon atakaga o‘tish marrasiga chiqqunicha uzoq masofaga marsh bajarishi talab etilsa, unda bo‘linmalar batalon kolonnalariga tizilish (yoyilish) marrasiga chiqqanda mashinalarga qo‘shimcha idishlardan (bochka kanistralardan) yonilg‘i quyish tashkil etilishi kerak.

Jang boshlanishiga qurol-aslaha va harbiy texnikaning ichki baklari yonilg‘i bilan to‘la bo‘lishi kerak. Tashqi baklardagi yonilg‘i iloji boricha ishlatib bo‘lingan, qo‘shimcha bochkalar esa atakadan oldin tanklardan tushirilib marshrutlarda bo‘linmalar bo‘yicha to‘plab qo‘yilgan bo‘lishi kerak. Keyinchalik ularni yig‘ib katta boshliqning vositalari bilan tashib kelinadi.

Hujum davomida tanklarni yonilg‘i va o‘q-dorilar bilan to‘ldirish janglar orasidagi tanaffuslarda yoki bo‘linmalar ikkinchi eshelonga (rezervga) chiqarilganda amalga oshiriladi. Bu tadbirlarni batalon to‘liq tarkibda ikkinchi eshelonga chiqarilishini kutib o‘tirmay guruhlar yoki vzvodlar bo‘yicha o‘tkazish maqsadga muvofiqdir. Ba’zi tanklarni yonilg‘i va o‘q-dorilar bilan ta’mirlash vaqtida to‘ldirish mumkin.

Hujum olib borish vaqtida qurol-aslaha va harbiy texnikaga xizmat ko‘rsatish mumkin emas. Batalon tarkibida xizmat ko‘rsatishni tashkil etish imkoniyati ular qo‘yilgan vazifani bajarib, belgilangan rayonga chiqqanidan keyingina paydo bo‘lishi mumkin, lekin bunday imkoniyat faqat bir necha kundan keyingina paydo bo‘lishi mumkin. SHuning uchun ham janglar o‘rtasidagi tanaffuslardan foydalanib qurol-aslaha va harbiy texnikaga xizmat ko‘rsatish bo‘yicha ko‘proq ishlarni amalga oshirish komandirlar va ularning qurol-aslaha bo‘yicha o‘rinbosarlarining asosiy vazifalaridan biri hisoblanadi. Xizmat ko‘rsatish hajmi mashinaning o‘tgan yo‘li va uni o‘tkazish uchun vaqtning mavjudligiga bog‘liq bo‘ladi.