Тактиканинг фан сифатида вазифалари

Farmoyishda quyidagilar ko‘rsatiladi:

- shaxsiy tarkibni tayyorlash usullari va mavzulari va buning uchun ajratilgan vaqt;

- qurol-aslaha va harbiy texnikaga xizmat ko‘rsatish turlari, ularni o‘tkazish tartibi va muddatlari;

- batalonlar vositalari bilan bajarilishi kerak bo‘lgan ta’mirlash ishlarining hajmi;

- bo‘linmalarda tiklanmaydigan qurol-aslaha va harbiy texnikani katta boshliqning vositalariga topshirish joylari, muddatlari va tartibi;

- texnik xizmat ko‘rsatish va ta’mirlash uchun ta’mirlash vzvodidan ajratiladigan vositalar, ularning vazifalari va bu vositalarning bo‘linmada ishlash vaqti.

Hujumga tayyorgarlik vaqtida bo‘linmalar shtatlari va tabellari bo‘yicha talablari va shaxsiy tarkibning mavjudligiga ko‘ra qurol-aslaha va harbiy texnika bilan to‘ldiriladi. Bu holda to‘ldirish uchun keltirilgan mashinalarni qabul qilish va safga kiritish tashkil etiladi.

Bo‘linmalarning shaxsiy tarkibini tayyorlash vaqtning mavjudligi va unga bo‘lgan ehtiyojdan kelib chiqqan holda batalonning umumiy tayyorgarlik rejasi asosida tashkil etiladi va amalga oshiriladi. Tayyorgarlik, bo‘lajak jangovar harakatlar sharoitida shaxsiy tarkibning mashinalarni ekspluatatsiya qilish, joriy ta’mirlash va engil tiqilgan mashinalarni evakuatsiya qilish bo‘yicha ko‘nikmalarini takomillashtirish maqsadida o‘tkaziladi.

Ekipajlar (raschetlar, haydovchilar) va texnik ta’minot bo‘linmalari shaxsiy tarkibi bilan texnik tayyorgarlik bo‘yicha mashg‘ulotlarni (yo‘riqnomalarni) batalon shtabi va komandirning qurol-aslaha bo‘yicha o‘rinbosari tashkillashtiradilar.