Тактиканинг фан сифатида вазифалари

Mudofaa davomida texnik ta’minot
Tankchi (motoo‘qchi) bo‘linmalarning mudofaadagi texnik ta’minoti, nafaqat safda mavjud bo‘lgan soz qurol-aslaha va harbiy texnika hisobiga mudofaa harakatlari davomida ularning jangovarlik qobiliyatini saqlab turish, balki shaxsiy tarkib, qurol-aslaha va harbiy texnika, texnik ta’minot kuch va vositalarini hujumga o‘tishga tayyorlashni hisobga olgan holda amalga oshiriladi.

Mudofaa davomida texnik ta’minot shunday tashkil etiladiki, bo‘linmalarning dushman hamla va zarbalarini qaytarish uchun doimiy shayligi buzilmaydi.

Har bir jang kunining nihoyasida qurol-aslaha va harbiy texnikaga majburiy ravishda kundalik texnik xizmat ko‘rsatiladi. Birinchi navbatda jangovar mashinalar o‘q-dorilar, yonilg‘i va moylash materiallari bilan to‘ldiriladi. Bu ishlar jangovar harakatlar bo‘lmayotgan davrda va ko‘proq tunda va ko‘rish cheklangan sharoitlarda va bevosita tayanch punktlarida (o‘t ochish pozitsiyalarida yoki yaqindagi pana joylarda) bajariladi.

Birinchi eshelondagi bo‘linmalarga odatda o‘q-dori va yonilg‘i harbiy qismning transportida keltiriladi. Agar vaziyat taqozosi bilan avtomobillar jangovar mashinalarga yaqinlasha olmasalar, unda o‘q-dorilar solingan qutilar va bochkalardagi (bidon) yonilg‘i o‘t ochish pozitsiyalariga BTRlar, shataklar va bo‘linmalarning shaxsiy tarkibi bilan keltiriladi. Dushman hamlasi qaytarilgach zudlik bilan qurol-aslaha va harbiy texnika o‘q-dori va yonilg‘i bilan to‘ldiriladi.

Batalon bo‘linmalarini asosiy moddiy vositalar bilan to‘ldirish navbati va tartibini batalon komandiri belgilaydi. Bo‘linmalarda katta boshliqning farmoyishiga ko‘ra jihozlangan va himoyalanadigan pana joylarda erda saqlanadigan qo‘shimcha o‘q-dori zahiralari yaratilishi mumkin.