Тахририй ишлар ва карталарни тахрир этиш. Тахририй-тайёрлов ишлари

3.3. Картани тузиш ва жиҳозлаш
Картани тузиш технологиясини ишлаб чиқиш ва картани нашрга тайѐрлаш картанинг тахририй-тайѐргарлик жараѐнига киради.
Картани тайѐрлаш амалиѐтида ҳар хил технологиялардан фойдаланилади. Кайси бир технология тез ва арзон бўлиши картографик корхонанинг техникавий жихатдан таъминланганига боғлик. Карта ишлаб чиқариш вақтида, баъзи жараѐнлар ва технологик босқич бутунлай қўлланилмаслиги ҳам мумкин. Баъзи кўлда бажариладиган ишларда фотомеханик усулини ишлатиш, баъзи операцияларни бажаришда автоматизация ѐки компьютерни қўллаш билан иш сифатини яхшилаш ва тезроқ бажариш мумкин.
Карта тузиш деганда, картанинг дастлабки тузиш нусхасини тайѐрлаш тушунилади, шу билан бирга математик асосни тайѐрлаш мазмунни аниқлаш генерализацияланиб, қогозда чизилган нусха ҳам карта тузиш жараѐнига киради.
Карта тузиш нусхасини яратиш жуда мураккаб ва маъсулиятли иш ҳисобланади. Картани тузиш нусхасини тайѐрлашда тахририй ҳужжатларда ѐзилган қонун қоидаларга асосланиб, картографик асос яратиш, картографик манбалар тайѐрлаш ҳамда улардан фойдаланиш ва картага тасвирни акс эттиришдан бошланади. Картографик асос тайѐрлаш учун альюмин пластинкага картографик қогоз ѐпиштирилади ѐки деформация бўлмайдиган пластикдан фойдаланилади.
Картографик асос тайѐрлаш учун альюмин пластинкага координатограф ѐрдамида картографик тур чизилади. Тайѐрланган картографик манбалар танланиб, сўнг тасвирга тушурилади. Картографик манбалар 3 хил бўлади:

1. 
   Асосий картографик манбалар;
   
2. 
   Қўшимча картографик манбалар;
   
3. 
   Ёрдамчи картографик манбалар.
   

Картографик манбалар карта тузиладиган масштабда булмаслиги ҳам мумкин. Бундай вактда бир хил масштабга келтириш керак бўлади. Бу иш оптик-механик усулда бажарилади. Баъзан жуда осон бўлган график усулдан туғри туртбурчаклар чизиш йулидан фойдаланиш мумкин.
Картогрфик тасвирни картага туширишда манбалар асосий объектлар ва иккинчи даражали объектларга булиниб тасвирланади.
Картага тушилаѐтган махсус мазмун ҳам тартиб билан, бирин-кетин, картографик манбалардан тўлиқларини танлаб, шулар дастлаб тасвирланади.
Картадаги ѐзувлар ҳар бир элементни мазмунга караб махсус шрифтларда ѐзилади. Картада мазмун тасвирланаѐтганда албатта генерализация тамойилларига эътибор берилади. Карта тузишда умумгеографик карталар билан мавзули карталарни фарқига бориш керак. Чунки уларни мазмуни ҳар хил бўлади.