Tadbirkorlik asoslari sohasi

Firmalar shoxobchasi – yirik firmalarning tarkibiy qismi bo‘lib, mustaqillikka ega bo‘lmaydi.

Firmalar ish ko‘lamiga qarab kichik, o‘rta va yirik biznesga ajratiladi.

O‘zbekiston Respublikasida mavjud qonunchilik hujjatlariga muvofiq kichik va o‘rta biznes korxonalari faoliyat ko‘rsatadi. Ular xususiy tadbirkorlikdan farqli o‘laroq, yuridik shaxs sifatida faoliyat ko‘rsatishadi. Qonunlarda belgilab qo‘yilganidek, kichik va o‘rta biznes korxonalarini toifalarga ajratish mezonga ko‘ra u yoki bu toifaga qarashlilik xodimlarning o‘rtacha soni va faoliyat sohasiga qarab belgilanadi. Xususan, o‘rta korxonalarda xodimlarning maksimal soni 100 kishini, kichik korxonalarda – 40 kishini, mikrofirmalarda esa – 10 kishini tashkil qiladi.

Kichik va o‘rta biznes korxonalarining shakli, ixtisoslashuvi va hajmi uning samarali ekanligini ko‘rsatuvchi belgilar emas. Mazkur korxonalarning haqiqiy samaradorligi ularda marketing faoliyatining qanday yo‘lga qo‘yilganligiga ham bog‘liq bo‘ladi.