Tadbirkorlik asoslari sohasi

Mas’uliyati cheklanmagan firmalar – mol-mulki sherikchilik asosida egalik qilinadigan va olingan daromad qo‘shgan hissasiga qarab taqsimlanadigan firmalardir. Bunday firmada ko‘rilgan zarar sheriklar tomonidan teng qoplanadi.

Mas’uliyati cheklangan firmalar – jamoa korxonasi bo‘lib, uning mulki ta’sis etuvchilarning mablag‘i asosida tashkil etiladi. Mazkur turdagi firmalarga aralash firmalar, aksiyadorlik jamiyatlari kiradi. Mas’uliyati cheklangan firmalarning eng ko‘p tarqalgan turi aksiyadorlik jamiyatlari hisoblanadi. Aksiyadorlik jamiyatlari ochiq va yopiq turda bo‘ladi. Ochiq turdagi aksiyadorlik jamiyatida aksiyalar erkin sotilishi va sotib olinishi mumkin. Yopiq turdagi aksiyadorlik jamiyatlarida esa aksiyalar bir necha kishilarga tegishli bo‘lib, bozorda erkin sotib olinishi mumkin emas. Aksiyadorlik jamiyatlari o‘ziga qo‘yilgan kapitalning miqdoriga qarab aksiyalar chiqaradi. Ushbu aksiyalarni sotib olgan kishilar aksiyadorliklarga aylanadilar va foydadan o‘z hissasi – dividendni olishga haqli bo‘ladilar.