Tadbirkorlik asoslari sohasi

24-MAVZU: ZAXIRADAGI MAHSULOTLARNI BOSHQARISH
Tovar-moddiy boyliklarning saqlanishini ta’minlashda va ulardan ratsional foydalanishga erishishda ombor xo‘jaligining to‘g‘ri tashkil etilishi muhim ahamiyatga ega. Shuning uchun tovar-moddiy boyliklar auditida, birinchi navbatda, ombor xo‘jaligining tashkil etilishiga alohida e’tibor beriladi. Bu ishda xalq auditi guruhi va postlari hamda boshqa jamoat tashkilotlari auditorlarga katta y ordam ko‘rsatadilar. Ular yig‘im-terim kompaniyasi oldidan ombor xo‘jaliklarining tayyorgarligini, ferma binolarining chorva qishloviga tayyorgarligini va boshqa obyektlarga reydlar uyushtirib, tekshirishdan o‘tkazadilar. Bahorgi ekish oldidan urug‘ va ko‘chatlar, mineral o‘g‘itlar, zaharli kimyoviy moddalarning borligi, ularning saqlanishi, transport vositalarining, o‘lchov asboblarining tayyorgarligi tekshiriladi.
25–26-MAVZULAR: ZAXIRADAGI MAHSULOTLARNI TO‘G‘RI BOSHQARISH USULLARI. OMBOR ZAXIRA HISOBINI YURITISH

Tovar-moddiy boyliklarning saqlanish joylarida dastlabki hisobning to‘g‘ri yuritilishiga alohida e’tibor berish kerak, chunki bunda hisobning yaxshi yo‘lga qo‘yilganligi natijasida turli o‘g‘irlik holatlari yuz berishi mumkin. Buning uchun ombor hisobida zarur bo‘lgan daftar va invertar kartochkalarning yetarlicha mavjudligi, ularning to‘g‘ri ochilishi va yuritilishini hamda moddiy boyliklarning oylik harakati to‘g‘risidagi hisobotning o‘z vaqtida tuzilib, buxgalteriyaga topshirilishini o‘rganib chiqish lozim. Bundan tashqari, tovar-moddiy boyliklar inventarizatsiyalarining natijalarini solishtirish hamda inventarizatsiya farqlarining hisob-kitobda aks etishi qanday amalga oshirilishini tekshirish kerak.