Tabiiy tolalar va matoga ishlov berish” kafedrasi

9. Yangi halqani shakllantirish.

Yangi ipdan eski halqaga teng keladigan yangi halqa hosil qilish, eski halqalarga tortish kuchi ta’siri ostida amalga oshiriladi, buning hisobiga yangi halqa shakllanadi. Operatsiyaning bajarilishi jarayonida yangi halqalar iplarining uzunligi o’zaro tenglashadi.

10. Trikotaj to’qimasini tortish.

Yangi halqalar shakllanganidan keyin ular ignalar bilan bir tekislikda yotadilar. Agar halqalar shunday holatda qoldirilsa, yangidan halqa hosil qilishni tugallash operatsiyasi bajarilishida eski halqa yana ignaga tushib qolishi mumkin, shuning uchun halqalar tekisligini ignalar tekisligiga nisbatan perpendikulyar holatga kelguncha og’dirish kerak bo’ladi. Bu jarayon tortish operatsiyasi deb ataladi. Trikotaj usulida to’qishning o’ziga xos xususiyatlaridan biri - halqa hosil qilish uchun ipni oldindan tayyorlash zarurligidir.

2.2. Tilchali ignalarda halqa hosil qilish jarayoni
Tilchasi bor, ignali, bir ignadonli trikotaj-to’quv mashinalari platinalar bilan ta’minlangan bo’ladi. Odatda platinalar soni ignalar soniga tengdir. Platinaning vazifasi halqa hosil qilish jarayonining tugallash operatsiyasi bajarilayotganida eski halqalarni bir sathda ushlab turish, yangi halqaning egilishiga imkon yaratish va yangi halqalar ustiga tashlangan eski halqalarni tortishdan iboratdir. Tilchasi bor ignali mashinalarda ignalar qo’zg’aluvchan bo’lib, ular ignadon o’yig’i bo’yicha harakatlanadilar. Bunda igna tilchasi, tilchaning aylanishiga qarab ochiq yoki yopiq bo’lishi mumkin.

Tilchasi bor ignali mashinalarda ham halqa hosil qilish jarayoni 10 ta operatsiyaga bo’linadi (2.8-rasm).

2.8-rasm. Tilchali ignalarda halqa hosil qilish jarayoni