Tabiiy fanlar fakulteti

2.2 Maktab kimyo kursida "Kimyoviy muvozanat" mavzusini o'qitish metodikasi

Dars ­ maktabda ta`lim – tarbiya, ya'ni o’quv ishining tashkil etishning asosiy shakli bo`lib hisoblanadi. Dars bu ­ didaktik vazifalar: ta`lim beruvchi, tarbiyalovchi, o`quvchilarni rivojlantiruvchi tizim qo`llaniladigan, o`qituvchi tomonidan ma`lum jarayonda ta`lim mazmuni, ta`minoti shakl va metodlarini tadbiq etgan asosiy tashkiliy shakldir. Aniq qo’yilgan maqsad o’qituvchining shu maqsadga erishish uchun zarur faktik materialni tanlab olishiga imkon beradi. Qo’yilgan maqsadga qarab, darsda o’qitiladigan konkret material har xil bo’lishi mumkin.

Dars 3 qismga bo’linadi:

1. Kirish

2. Asosiy qism

3. Xulosa

Darsning kirish qismida ­ o’quvchilar bilan tanishish, o’quvchilar e’tiborini ishning o’ziga jalb etish, umuman sinfni o’quv ishiga tayyorgarligini ko’rib chiqish kerak.

Darsning asosiy qismida ­ so’rash va baholash kiradi. Yangi materialni bayon etish. Materialni umumlashtirish va puxtalash, uyga topshiriq berish. To’g’ri tashkil etilgan uy topshiriqlari – o’quvchilarda mustaqil ishlash malakalari hosil qilishning eng muhim vositalaridan biridir

Tipik dars quyidagi sxema asosida tuzilgan.

1. Sinfni o’quv ishiga tayyorlash.

2. So’rash.

3. Yangi materialni bayon etish.

4. Materialni umumlashtirish va puxtalash.

5. Uyga topshiriq berish.

Darsga shu sababli katta talab qo`yiladi. Asosiy talab ta`limiy, tarbiyaviy, rivojlantiruvchi funksiyalarni bajarish bo`lib hisoblanadi. Har bir darsning funksiyasi uning didaktik maqsadlaridan kelib chiqadi. Har bir darsning dars tizimidagi o`rnini aniqlash lozim. Shu dars mavzusi tizimida qanday o`rin egallashini aniqlab olish muhimdir. Darsda tarbiyaviy funksiyani amalga oshirish shu mavzu mazmuni asosida o`quvchilarda ilmiy ­ materialistik dunyoqarashni shakllantirish bilan belgilanadi. Darsdagi rivojlantiruvchi funksiya­ o`quvchini dars mazmuni asosidagi imkoniyatlar chegarasida logik fikrlash, fanga qiziqtirish, mustaqil faoliyatni ta`minlash kabilar bilan belgilanadi. Har bir dars tizimi rejasini tuzganda ulardagi mavzularning mazmuni asosida darsning maqsadi, uning boshqa fanlar bilan bog`liqligi kabilar hisobga olinadi.

Kimyo kursida "Kimyoviy muvozanat" mavzusini quyidagicha tashkil qilish mumkin.