Табиий шифо воситалари 3-китоб тошкент

чиққанда, мушаклар лат еганда, тери тилинганида мўмиё 0,2-0,5 
граммдан ичилади. Гипс боғлами олиб ташланганидан сўнг эса 
зарарланган жойга суртма дори (уни қандай тайёрлаш юқоридаги 
бўғим оғриқлари бўлимида келтирилган) сурилади. Даволаш курси 25-
28 кун бўлиб, уни орада 5 кун танаффус билан 4 мартагача такрорлаш 
мумкин. Мўмиё таъсирида суякнинг қадоқланиш жараёни ва синган 
жойининг битиши 13-17 кун олдин рўй беради. 

---

Аюпов Равшан Хамдамович 157 
 Бавосил касаллигида (геморрой) кунига 2 маҳал (эрталаб оч қоринга 
ва кечқурун ухлаш олдидан) 0,2-0,5 граммдан мўмиё ичилади. Бунда 
бемор орқа чиқарув тешигига 3-4 ой давомида (орада бир ой танаффус 
қилинади) мўмиёли суртма (уни қандай тайёрлаш юқоридаги бўғим 
оғриқлари бўлимида келтирилган) суртиб қўйиши лозим. Мўмиё 25 кун 
мобайнида ичилади ва орадан 5 кун ўтгач яна такрорланади. Агар 
касаллик жуда ўтиб кетган бўлса, даволаш муддати 6-8 ойгача 
чўзилиши мумкин. 
 Қон босими ортиши (гипертония) да мўмиёдан кунига 1 граммини 
сувда эритиб ичилса, қон босими 15 дақиқада 15 симоб устунига 
пасайиши кузатилган. Мўмиё қон томирлари деворидаги холестеринни 
чиқариб ташлашга ёрдам беради ва у бўғим оғриғи, туз йиғилиши 
касалликларида оғриган жойга суртилади ва ичилади. 
 Меъда ва ўн икки бармоқли ичак яраси, меъда-ичак йўли 
касалликлари, қовуқ касаллиги (сийдик тутилиб қолганда), 
колитлар ва гастритларда мўмиё кунига 2 маҳал 0,2-0,5 граммдан 
эрталаб наҳорга ва кечқурун ухлашдан олдин ичилади. Даволаш курси 
25-28 кун бўлиб, орада 5 кун танаффус қилгандан сўнг, яна 
қайтарилиши мумкин. Муолажалар вақтида парҳезга риоя қилиш ва 
овқатни меъёрида истеъмол қилиш лозим. Спиртли ичкиликлар ичиш 
ва чекиш (тамаки, нос, чилим, наша) асло мумкин эмас.