Табиий шифо воситалари 3-китоб тошкент

Мўмиёни ичиш қоидаси қуйидагидан иборат: 5 грамм мўмиё 10 
десерт қошиқ қайноқ сувда эритилади ва ҳар куни 2 маҳал бир десерт 
қошиқдан оч қоринга – эрталаб уйқудан тургач, наҳорга, нонуштадан 30-40 
дақиқа олдин, сўнгра кечқурун кечки овқатдан 2-3 соат ўтгандан кейин, уйқу 
олдидан ичилади. Мўмиё эритмасининг ўзи ичилмайди, уни сув ёки чой 
билан билан ичилади. Мўмиё эритмаси шиша идишда салқин жойда 
сақланади. Тайёрланган мўмиё эритмаси тугагач, яна 5 грамм мўмиё 
юқоридаги тартибда эритилади. Азоб берадиган оғриқларда оғриқни 
қолдириш учун мўмиёни новокаинда эритиш тавсия қилинади. Маститларда, 
ўсмаларда, тромбофлебитларда ва полпаритларда мўмиёни ичишдан 
ташқари, кечаси компресс қўйиш ҳам керак бўлади. Компресс қилиш учун 
докани тўрт буклаб, юқоридаги мўмиё эритмасига ҳўлланади ва оғриётган 
жойга қўйилади. Бундай компрессни даволаш курси мобайнида ҳар куни 
кечқурун ётиш олдидан қўйилади. Мўмиё билан даволанишда бошқа дори 
ичишнинг ҳожати йўқ деб ҳисобланади, чунки биринчидан, мўмиёнинг ўзи 
универсал антибиотик ва иккинчидан, мўмиё бошқа дорилар билан мос 
келмай қолиши мумкин. Мўмиё билан бирга бошқа табиий антибиотиклар – 
асал ва асалари заҳари қўллаш яхши натижалар бериши кузатилган.

---

Аюпов Равшан Хамдамович 
154 
Диққат: мўмиё ичиш ёки у билан даволаниш даврида чекиш, наркотик 
моддалар қабул қилиш ва спиртли ичимликлар ичиш асло мумкин эмас! 
Энди қуйида турли хил илмий адабиётлардан фойдаланиб, мўмиё 
билан хилма-хил касалликларни даволашда ишлатиладиган клиник 
рецептураларни келтирамиз: 
 Организм тонусини ошириш учун мўмиёдан қуйидаги таркиб 
тайёрланади: 5-8 грамм мўмиёга бир неча томчи сув қуйилади ва 
яхшилаб эзиб, устига 500 грамм тоза асал солиб, яхшилаб 
аралаштирилади. Бу аралашма қоронғи ва салқин жойда сақланиб, 
ундан бир ош қошиқдан кунига 3 маҳал оч қоринга ичилади. 
 Грипп эпидемияси тарқалган пайтда кунига икки маҳал 0,2 
граммдан мўмиё ичилиши тавсия этилади. 
 Тиш кариеси ва тиш оғриғида 0,1-0,5 грамм миқдоридаги мўмиёни 
бармоқ орасида хамир холига келгунча эзилади ва оғриётган тиш ҳамда 
унинг атрофига қўйилади. 
 Бўғим оғриқларида ва туз йиғилишида оғриётган жойга мўмиёдан 
тайёрланган суртма дори 5-6 дақиқа давомида суртилади ва айни 
пайтда 0,2-0,5 грамм мўмиё ичилади. Даволаш курси 25 кун бўлиб, 
зарурат туғилса, орадан беш кун ўтказиб, яна такрорлаш мумкин.