Табиий шифо воситалари 3-китоб тошкент

Қовоқнинг таъсири ва доривор сифатида ишлатилиши: 
Қовоқ уруғидан халқ табобатида сийдик-тановул органлари, буйраклар 
ва қовуқ касалликларига даво қилиш учун фойдаланилади. Камқонлик, сил 
касалликлари, буйрак ва бошқа органлар касалликларида, хусусан, булар 
баданга шиш келиши билан давом этиб келаётган бўлса, асалли сувга солиб 
қайнатилган қовоқ истеъмол қилиш фойдалидир. Хом қовоқ эти ёки пўсти 
арчилган қовоқ уруғларидан малҳам қилиб, бадандаги жароҳатлар, куюк 
яралар, сепкил ва ҳуснбузарларга қўйилади. Ибн Сино қовоқдан тайёрланган 
қайнатмани йўтал ва кўкрак оғриғи, қовоқ сувини эса гул мойига 
қориштириб, отит, ангина давосига ишлатишни тавсия этади. Қовоқ совуқлик 
бўлиб, одамнинг ховурини олади, сийдик ҳайдовчи, иссиқни пасайтирувчи 
таъсир кўрсатади. Лекин қадимги ҳакимларнинг фикрига қараганда, меъда 
касаллиги билан оғриган беморларга қовоқ буюриб бўлмайди. Замонавий 
табобатда қовоқ мевасининг эти сийдик ва ўт хайдаш ҳамда ични юмшатиш 
хоссаларига эга эканлиги аниқланган. Қовоқ истеъмол қилиб турилса, 
қабзиятда ичак яхшироқ юришади, организмдан хлор тузлари кўпроқ чиқиб, 
пешоб кучаяди. Қовоқ палагидан тайёрланган қайнатма ҳам сийдик ҳайдаш 
хоссасига эга. Қовоқнинг қириб олинган сувини сийдик ҳайдайдиган ва сурги 

---

Аюпов Равшан Хамдамович 149 
воситаси тариқасида ишлатса бўлади. Жигар, буйрак касалликларида, юрак 
ва буйрак иши сусайиши муносабати билан баданга шиш келган холларда, 
шунингдек, атеросклероз ва семизликда қовоқ истеъмол қилиб туриш анча 
фойдали ҳисобланади. Қовоқ уруғлари гижжа ҳайдайдиган анча кучли дори 
сифатида қадимдан ишлатилиб келинган. Тасмасимон ва думалоқ 
гижжаларга қовоқ уруғи жуда яхши кор қилади, таъсири гарчи қирққулоқ 
препаратларидан кўра сустроқ бўлсада, лекин қовоқ уруғларининг заҳарли 
томони деярли йўқ.