Табиий шифо воситалари 3-китоб тошкент

Қуйида исириқдан фойдаланиш бўйича бир қанча фойдали тавсиялар 
келтирилган: 
 Исириқни туйиб, хонанинг бурчаклари ва полига сепиб қўйилса, ҳар 
хил ҳашоратлар бу хонадонга йўламайди, борлари эса чўчиб, қочиб 
кетади. 
 Исириқ тутатсангиз, хонангизнинг ҳавоси тозаланади, микроб 
инфекциялар эса қирилиб битади. 
 Исириқдан қайнатма тайёрлаш учун кастрюлкага 250 грамм сув 
қуйилади ва унга майдаланган исириқдан бир чой қошиқ солиб, паст 
оловда 5 дақиқа қайнатилади. Кейин 2 соат сочиққа ўраб дамлаб 
қўйилади. Ундан сўнг 2 қават докадан сузиб олинади ва овқатдан 
олдин кунига 3 маҳал 1 ош қошиқдан профилактика мақсадида 
ичилади. 
 Исириқни тутатиб, тутунига 21 марта бошни тутинг. Кейин бир боғ 
исириқни бир пақир сувда қайнатиб, докада сузиб олингач, ваннага 
қуйилади. Унинг устига иссиқ сув қуйиб, то сув совигунича ваннада 
ётилса, бош оғриғига даво бўлади. 
 Бир сиқим исириқни 400 мл сувда паст оловда 5 дақиқа қайнатилади 
ва бу қайнатмага 10 кун давомида пахта ёки матони шимдириб, 

---

Аюпов Равшан Хамдамович 143 
оғриган жойга суриб юрилса, тизза ва суякларнинг қақшаб оғришига 
даво бўлади.
Диққат: Исириқ заҳарли гиёҳ бўлгани учун ундан фойдаланишда 
шифокор-табиб тавсияларига тўла амал қилиш лозим. Иссиқ мижозли 
кишиларга исириқни истеъмол қилиш зарарлидир, чунки бу уларнинг бошини 
оғритиб, юракларини беҳузур қилади. 
Хурмонинг шифобахшлилиги 
Хурмо (Хурма) бўйи 16 метргача борадиган тропик ва субтропик 
дарахт ёки бута. Барглари чўзинчоқ, яхлит бўлиб, тўқ яшил рангда. Гуллари 
икки уйли, жуда майда, мевалари чўзинчоқ, думалоқ, сарғиш-қовоқранг 
тусда, пишганида кўпинча қораяди. Етилмаган, ғўра мевалари сариқ рангда, 
қаттиққина бўлиб, оғизни буриштирадиган маза беради. Доривор сифатида 
мевалари ишлатилади. Хурмо меваларида 25% гача қанд моддалари, 1,5% 
протеинлар, 0,85% ёғлар, шунингдек олма кислотаси, С витамини, пектин, 
танин ва бир қанча микроэлементлар бор. Меваларида гликозидлар ва 
флавоноидлар ҳам топилган.
Халқ табобатида хурмони айниқса, юқумли касалликлардан кейин 
организми заифлашиб қолган одамларга камқонлик маҳалида берилади. 
Шунингдек у гипертония касаллигининг давосига ҳам ишлатилади. 
Йирингли яралар, чипқонлар ва ҳасмолга даво қилиш учун хурмо мевасини 
пўсти билан бирга қўйилади. Ибн Сино қони камайиб, заифлашиб қолган 
одамларга хурмо истеъмол қилиб туришни буюрган. Камқон бўлиб, 
қувватдан кетган одамларга, шунингдек, меъда-ичак йўлининг инфекцияга 
боғлиқ бўлмаган яллиғланиш касалликларида хурмонинг наф бериши 
замонавий табобатда ҳам аниқланган. Уни 15-20 донадан кунига 3 маҳал 
истеъмол қилиб туриш мумкин.