Табиий шифо воситалари 3-китоб тошкент

Артритни даволашнинг энг яхши усули қуйидагича: 2-3 кун 
давомида оч юриб, фақат лимон солинган дистилланган сув ичилади. Бундай 
сувни дистилляторда ўзингиз тайёрлашингиз ёки дорихоналардан сотиб 
олишингиз мумкин. 
Вирусли гепатит (Боткин касаллиги) ни даволаш учун 1 кГ тоза асал, 
200 мл зайтун ёғи, гўштқиймалагичдан ўтказилган 4 дона лимон (икки 
донасининг пўсти тозаланади) яхшилаб аралаштирилади. Тайёр бўлган 
аралашма оғзи ёпиқ идишда музлатгичда сақланади ва 1 кунда 3 маҳал 
овқатдан 30-40 дақиқа олдин истеъмол қилинади.  
Томирларнинг варикоз кенгайиши касаллигида ётишдан олдин 
оғриётган томирларга юпқа қилиб кесилган лимон бўлакларини қўйиб, 
устига қоғоз ёпиштириб, ёпиб ўраб қўйилади. Кечаси билан лимон терига 
чуқур таъсир қилиб, томирларни силлиқлайди.
Сепкил ва пигмент доғларни кетказиш учун қуйидаги таркиблар 
тавсия этилган: 
100 грамм тоза асал 1 дона лимон шарбати билан аралаштирилади ва докага 
шимдирилиб, 15-20 дақиқага юзнинг сепкил тошган ёки пигмент доғлар 
тушган қисмига қўйилади. Сўнг илиқ сув билан ювиб ташланади. Бу 
муолажа 15-20 марта такрорланганидан сўнг, натижаси кўринади. 
Бир хил нисбатда лимон шарбати ҳамда зайтун ёғи аралаштирилади ва бу 
аралашма билан юз ва қўллар артилиб турилади. 
Уруғи олинган 1 дона лимонни пўсти билан бирга эзиб, бўтқа ҳолатига 
келтирилади. Сўнгра уни шиша идишга солиб, устидан 1 стакан ароқ 
қуйиб, 2 ҳафта қоронғи жойда сақланади. Аралашма тайёр бўлганидан 
сўнг, кечаси фақатгина сепкил ва пигмент доғларга сурилади. 

---

Аюпов Равшан Хамдамович 
32 
Ўртача ва ёғли юз терисидаги сепкил ва пигмент доғларни оқартириш учун 
кунига бир неча марта юзни лимон бўлаги билан артиш керак. Артгандан 
5-10 дақиқа ўтганидан сўнг, юз илиқ сув билан ювилади ёки пахта билан 
сувлаб артилади.
Сепкил ва пигмент доғларни йўқотиш учун қуйидагича тайёрланадиган 
лосьондан фойдаланиш ҳам мумкин: тухум оқини кўпиртириб, унга 1 
дона лимон шарбати, 1 чой қошиқ глицерин ва 0,5 стакан одеколон 
қўшилади. Бу лосьон билан юз терисини ётишдан олдин артиш керак 
бўлади. 
Юз терисини оқартириш учун 2 ош қошиқ 3 фоизли водород пероксиди ва 1 
ош қошиқ лимон шарбати аралашмасига салфеткани бўктириб олинади. 
Бундай салфеткани юзга 15-20 дақиқадан бир кунда икки марта, пигмент 
доғлар йўқолгунча қўйилади.