Табиий шифо воситалари 3-китоб тошкент

Бавосил касаллигини даволаш учун доимий равишда тозалик ва шахсий 
гигиенага риоя қилиш муҳим омиллардан биридир. Орқа тешикни сувга 
бўктирилган пахта бўлаги билан иложи борича ичкарироқ кирган ҳолда 
артилади. Сўнг лимон шарбатига ботирилган пахта бўлаги билан оғриқли 
жойлар артилади. Бунда бироз ачишишга чидашингизга тўғри келади. 
Гижжаларга қарши лимон асосидаги табиий доривор воситалар 
тайёрлашнинг ҳам турли ҳил усуллари мавжуд. Чунки цитрус меваларнинг 
(апельсин, лимон, мандарин) пўсти ва мағзи ишқорли реакцияга эга ва улар 
барча микроорганизмларнинг ҳаёт фаолиятини тўхтатади. Агар цитрус 
меваларининг пўстини яхшилаб чайнаб, сўнг ютиб юборилса, организмдаги 
турли хил микроблар ва паразитлар тез нобуд бўлади. Бироқ бундай 
муолажани оч қоринга қилиш керак ва муолажадан бир соатдан кейингина 
овқатланиш мумкин. Бунинг учун лимон уруғидан ҳам фойдаланиш мумкин. 
2-3 дона лимоннинг уруғи кукун қилиб майдаланади ва оғизга солиб 
ютилади, кетидан илиқ сув ичилади. Бу муолажани бир кунда 2-3 марта 
овқатланишдан 30 дақиқа олдин бажариш керак.

---

Аюпов Равшан Хамдамович 33 
Яна бир рецептда бир дона лимон пўсти, мағзи ва уруғи билан биргаликда 
майдаланиб, устига бир стакан сув ва 1 стакан асал солиб, 2 соатга 
тиндирилиб қўйилади. Сўнг докадан ўтказилиб, ётишдан олдин ичилади. 
Лимондан тайёрланган дамлама ёрдамида ҳам ичакдаги гижжаларни 
йўқотиш мумкин. Бунинг учун 1 дона лимон майдаланади ва бир стакан 
сувга солиб, 5 дақиқа қайнатилади. Совугандан сўнг, оч қоринга ичилади.
Острицаларга қарши лимон уруғи ёрдамида курашиш мумкин. Бунинг 
учун 1 чой қошиқ майдаланган лимон уруғи тоза асал билан аралаштирилади 
ва ҳар куни эрталаб оч қоринга 1 чой қошиқдан ичилади.
Бош оғриғида янги узилган лимон пўстининг оқ тўқималари олиб 
ташланиб, чаккага нам томони билан қўйилади ва бир неча дақиқа ушлаб 
турилади. Бир оздан сўнг терида бироз қизариш пайдо бўлиб, бош оғриғи 
босилади. 
Қабзиятда кичикроқ лимондан олинган шарбат, тухум сариғи ва бир 
стакан апельсин шарбати аралашмаси ични бўшаштирувчи восита сифатида 
хизмат қилиши мумкин. 
Ларингитда 100 грамм алоэ шарбати, 500 грамм майдаланган ёнғоқ, 300 
грамм экологик тоза асал ва 3-4 дона лимоннинг шарбати аралаштирилиб, 
кунига 3 маҳал бир чой қошиқдан истеъмол қилинади.