Табиий шифо воситалари 3-китоб тошкент

Иккинчи рецептда эса 1 дона сабзи шарбати, 1 стакан ерқалампир 
(хрен) шарбати (қирғичдан чиқарилган ерқалампир 36 соат сувга солиб 
қўйилади ва ундан сўнг шарбати ажратилади), 1 дона лимон шарбати ва 1 
стакан асал яхшилаб аралаштирилади. Бу аралашма 1 ош қошиқдан кунига 2-
3 маҳал овқатдан 1 соат олдин ёки овқатлангандан 2-3 соат ўтгач истеъмол 
қилинади. Даволаниш муддати икки ой бўлади. Тайёрланган аралашма оғзи 
маҳкам ёпилган шиша идишда салқин жойда сақланади. 
Қон босими ошадиганлар бир суткада 3-4 маҳалдан яримта лимонни 
пўсти билан бирга ейишлари жуда фойдали муолажа ҳисобланади.
Учинчи рецептда эса 1 ош қошиқ тоза асал, 1 ош қошиқ лавлаги 
шарбати, 1 ош қошиқ сабзи шарбати, 1 стакан ерқалампир шарбати
(қирғичдан чиқарилган ерқалампир 36 соат сувга солиб қўйилади ва ундан 
сўнг шарбати ажратилади), 1 дона лимон шарбати аралаштирилиб, 1 ош 
қошиқдан бир кунда 2 маҳал овқатланишдан 1 соат олдин истеъмол 
қилинади. Даволаниш муддати 1,5 ойни ташкил қилади. 
Қон босими пасайиши (Гипотония) касалига чалинилса, 50 грамм 
қовурилган ва майдаланган зоғора дони, 0,5 кГ асал ва 1 дона лимон шарбати 
аралаштирилади. Тайёр аралашма музхонада сақланади ва ҳар доим овқатдан 
2 соат кейин 1 чой қошиқдан истеъмол қилинади.
Грипп эпидемияси тарқалганда ундан ҳимояланиш учун қуйидаги 
усулдан фойдаланилади: 1 дона лимонни қайнаб турган сувга солиб, сўнг уни 
пўсти билан биргаликда майдаланади. Кейин унга 100 грамм сариёғ солиниб, 
сув 50 даражагача совуганидан сўнг, 2 ош қошиқ тоза асал қўшилади. Ушбу 
доридан бир кунда 6-8 марта бир бўлак қора нонга суриб ейилади.
Лимондан тайёрланган ёшлик эликсири: лимон шарбати, асал ва 
писта (ёки зайтун) ёғини 2:4:1 нисбатда аралаштирилади. Тайёр бўлган 
малҳамни эрталаб наҳорга 1 чой қошиқдан истеъмол қилинади.