Табиий шифо воситалари 3-китоб тошкент

Саримсоқ сиропи чеснокли препаратларни ичишдан бош тортадиган 
болалар учун жуда ҳам яхши дори. Уни йўталда, ларингитда ва бурун 
бўшлиқлари шамоллаганда ишлатиш мумкин. Сиропни тайёрлаш учун 0,5 
стакан тозаланган ва майдаланган саримсоқни эмал ёки шиша идишга 
солинади ва унинг устидан янги ҳамда тоза асал қуйилади. Идишни паст 
оловга қўйиб, барча саримсоқ асалда эриб кетмаганча эхтиёткорлик билан 
аралаштириб турилади. Ундан сўнг, кастрюлканинг қопқоғи ёпилади ва 
тайёрланган сироп куйиб кетмаслигига эътибор берган холда яна бир марта 
қиздирилади. Сироп совумасдан оловдан олиб, фильтрланади ва музлатгичга 
қўйиб қўйилади. Ушбу сиропдан бетоб бўлган катталарга 1 ош қошиқдан, 
болаларга эса 1 чой қошиқдан хар соатда бир марта берилади.
Саримсоқнинг желатинли капсулалари ва таблеткаларини ҳам 
дорихоналардан сотиб олиш ва фойдаланиш мумкин. Улар антибиотик 
хоссаларга эга бўлиб, кўпчилик инфекцион касалликларга қарши кураша 
олади, қонда холестерин миқдорини камайтириш учун ишлатилади, қон 
томирлар склерозига қарши самарадор курашишга ёрдам беради ҳамда қанд 
диабети касаллигига қарши яхши воситадир.
Саримсоқ ёғи – ички шамоллаш касалликларининг олдини олиш учун 
ишлатилади, оғиз, бурун ва қулоқ бўшлиқлари шамоллаганда ва бошқаларда 
жуда яхши ёрдам беради. Уни тайёрлаш учун 2 бош саримсоқни тозалаб, 
ёғоч асбобда майдаланади ва шиша банкага солинади. Унинг устидан бироз 
миқдорда (тахминан ярим стакан) тозаланган ўсимлик мойи, яхшиси зайтун 
(оливковый) ёғи қуйилади. Бу массани яхшилаб аралаштириб, банканинг 
қопқоғи маҳкам ёпилади ва уни деразанинг қуёш тушадиган томонига 10 кун 
муддатга қўйиб қўйилади. Аралашмани кунига 2-3 марта аралаштириб 
турилади ва 10 кундан сўнг ёғ яхшилаб фильтрланади. Сўнгра унга бир неча 
томчи тозаланган глицерин қўшиб, қора шишали бутилкага солиб қўйилади 

---

Аюпов Равшан Хамдамович 
42 
ва пробкаси яхшилаб ёпилиб, музлатгичга қўйилади. Лекин бу саримсоқ 
ёғининг музлаб қолмаслигига эътибор бериш керак бўлади. Бу усулда 
тайёрланган саримсоқ ёғи 2-2,5 ой давомида истеъмол учун яроқли бўлади, 
аммо уни истеъмол қилишдан аввал 30-35 градусгача бироз иситиш керак.