Tabbiy ijtimoiy fanlar va jismoniy madaniyat

KIRISH

“Falsafa” fani, talabalarni nazariy bilimlar, amaliy koʻnikmalar, ijtimoiy hodisala va jarayonga uslubiy yondashuv hamda ilmiy dunyoqarashini shakllantirish vazifalarini bajaradi. Ushbu fan falsafiy dunyoqarashini shakllantirish mexanizmini, talabalarni zamonaviy fan yutuqlariga asoslangan falsafiy bilimlar bilan qurollantirish hamda ularda o’z— o’zini anglash va to’g’ri fikrlash ko’nikma va malakalarini shakllantirishdan iborat.
Fan boʻyicha talabalarning bilim, koʻnikma va malakalariga quyidagi talablar qoʻyiladi.
Talaba: falsafiy bilimlar, qonunlar va kategoriyalarni o’rganish orqali
hayotda o’z o’rnini topish;

• 
  o’zining eng oliy maqsadini topish va unga erishish yulida maqsadli faoliyat olib borish;
  
• 
  jamiyat hayotidagi ijtimoiy jarayonlarga falsafiy tafakkur nuqtai nazaridan yondashish, voqyealarga shaxsiy, ijodiy tanqidiy baho berish;
  

- jamiyatni demokratlashtirish va modernizasiyalash jarayonida faol
ishtirok etish hissini tarbiyalashdan iborat
Ma’lumki, axborot va bilimlar doirasi tez sur’atlar bilan kengayib borayotgan hozirgi sharoitda barcha ma’lumotlarni faqat dars mashgʻulotlari paytida talabalarga yetkazish qiyin.
Tajribalar shuni koʻrsatadiki, talaba mustaqil ravishda shugʻullansa va oʻz ustida tinimsiz ishlasagina bilimlarni chuqur oʻzlashtirishi mumkin. Talabalarning asosiy bilim, koʻnikma va malakalari mustaqil oʻzlashtirish jarayonidagina shakllanadi, mustaqil faoliyat koʻrsatish qobiliyati rivojlanadi va ularda ijodiy ishlashga qiziqish paydo boʻladi.
Shuning uchun talabalarning nazorat ishlarini bajarish boʻyicha mustaqil ta’lim olishlarini rejalashtirish, tashkil qilish va buning uchun barcha zaruriy shart-sharoitlarni yaratish, dars mashgʻulotlarida talabalarni oʻqitish bilan bir qatorda ularni koʻproq oʻqishga oʻrgatish, bilim olish yoʻllarini koʻrsatish, nazorat ishlarini yozish hamda oʻzlashtirish uchun yoʻl yoʻriq berish oliy ta’lim muassasasining asosiy vazifalaridan biri hisoblanadi.