T. Q. Ortiqov, O. M. Nazarov Analitik laborant va fizik-kimyoviy tekshirish usullari

Кипп аппаратини ишлатиш. Кипп аппарати газ (СО₂, Н₂S) олиш учун хизмат қилади. Унинг пастки қисмида ўртасидан қисқарган идиш бўлиб, юқориси бўйин бўлиб чўзилган ва ёнбошида тубус (тешик) бор. Тубусга резина пўкакка киргизилган шиша кран қуйилади. Приборнинг юқориги қисми пок шаклидаги воронкадан бўлиб, охири юқорига чўзилган бўлади. Воронканинг юқориги қисмига резина пўкак орқали эҳтиёт қилувчи (предохранитель) қўйилади. Воронканинг ўзи пастки идишнинг тагигача туширилади. Воронка билан пастки идиш бир бири билан зич бўлиб туриши керак. Аппаратни ишлатиш қуйидагича бўлади. Юқориги қисмининг силлиқланган жойига вазелин сртилади ва пасткиқисмига ўрнатилади. Тубусдан пўкак билан кран олинади ва ўртасидан қисқарган жойига шиша момиқ қўйилади. Унинг устидан мармар бўлаклари ёки бошқа модда (FeSO₃) лар жойлаштирилади. Қайси модданинг қуйилиши олинадиган газга боғлиқ. Ўртадаги қиқарган жойдан тушиб кетмаслиги учун бўлакларнинг катталиги 1-1,5 см дан кичик бўлмаслиги керак. Мармар аппаратнинг юқориги қисми идишнинг ½ қисмини олиш керак. Кейин тубусга шиша кран ўрнатилган пўкак кийгизилади. Аппаратнинг юқориги қисмидан эҳтиёт қилувчи олинади ва 10-15 % ли НCl (солиштирма оғирлиги 1,050-1,075) эритмаси қуйилади. НCl мармар бор ҳажмнинг ҳаммаси тўлгунча қуямиз. Кейин эҳтиёт қилувчи жойига қўйилади ва унинг шарикларининг ярмигача сув солинади. Хлорид кислотасининг таъсирида мармардан карбонат ангидрид гази ажралиб чиқади ва очиқ кран орқали керакли идишга олинади.


Назорат саволлари:

1. 
   Газ горелкасидан фойдаланганда нималарга эътибор бериш керак.
   
2. 
   Шишалар билан ишлаш техникасини айтинг.
   
3. 
   Индикаторлар турлари ва уларни тайёрлаш техникаси.
   
4. 
   Кипп аппаратининг ишлаш принципи.
   

5-Машғулот.


Ҳар хил эритмаларни тайёрлаш ва сақлаш. Дистилланган сув
Ишнинг мақсади: Турли таҳлилларни бажаришда ҳар хил концентрацияга эга бўлган эритмалардан фойдаланилади. Ишлатиладиган эритмаларни тайёрлаш ва сақлашни ўрганиш.