T. Q. Ortiqov, O. M. Nazarov Analitik laborant va fizik-kimyoviy tekshirish usullari

Керакли асбоб ва реактивлар: Эритмалар тайёрлаш учун 1 ва 0,5 литрли50,100 мл ли ўлчов колбалари, пипетка, аналитик ва техник тарозилар, резина сўргичлар, дистилланган сув ва эритмалар тайёрлаш учун кристалл ҳолатдаги кимёвий тоза тузлар. Кислоталар, ишқорлар
Адабиётлар:
1. И.Н.Ниёзалиев ва бошқалар. «Агрокимёдан амалий машғулотлар». Тошкент, 1989
2. Б.А.Ягодин и др. «Практикум по агрохимии». Москва. Агропромиздат, 1987
3. А.С.Радов, И.В.Пустовой. «Практикум по агрохимии». Москва, 1971
4. П.И.Воскресенский «Техника лабораторных работ». Москва, Химия, 1967
5. Г.Г.Русин. «Физико-химические методы анализа в агрохимии». Москва. Агропромиздат, 1990
6. Н.Г.Зарын, Д.С.Орлов. «Физико-химические методы исследования почв». Москва.МГУ,1964
7. «Методы агрохимических анализов почв средней Азии». Тошкент, 1973
8. К.Розиқов, Э.Ўринов, М.Қодирхонов «Моддалар таҳлили ва тадқикотнинг физик-кимёвий усуллари» Тошкент, Ўзбекистон миллий энциклопедияси, 2003

Лабораторияда кўпинча қаттиқ моддаларнинг эритмалари тайёрланади. Шунинг учун ҳам биз асосан бундай эритмаларга тўхталамиз. Агар бир хил ҳажмдаги сувни олиб ва унда ҳар хил тузларни, мисол учун, барий сульфатни, кварцларни, кальций хлоридни эритсак, бирдан кўзга шу нарса ташланади, барий сульфат эримайди, кварц яхши, кальций хлорид жуда яхши эрийди. Бундан ташкари, сувга тузларнинг маълум миқдорини кушгандан кейин, қанча аралаштирмасак ҳам улар бошқа эримайди.

Шундай қилиб, маълум бир миқдордаги сувда эритиш мумкин бўлган қаттиқ модданинг миқдори чегараланган ва у олинган модданинг хоссасига, бундан ташкари эриш бораётган шароитга боғлиқ. Эриш ўзининг охирги чегарасига етганда тўйинган эритмалар ҳосил бўлади. Тўйинган эритманинг концентрацияси шу модданинг эрувчанлиги дейилади.
Демак, бирор бир модда билан эритмани тўйинтириш шу модданинг ушбу эритувчида эрувчанлигига боғлиқ. Шунинг учун ҳам, тўйинган эритманинг концентрацияси ҳар доим ҳам юқори бўлавермайди. Мисол учун, хона температурасида калций сульфатининг эрувчанлигини 0,77 мл ташкил этади. Тузнинг бундай миқдорида эритма тўйинган бўлади.
Агар эритмани қиздирсак, қаттиқ модданинг эрувчанлиги кўпчилик ҳолларда ошиши мумкин. Лекин айрим тузлар бу коидага буйсунмайди. Уларнинг эрувчанлиги ҳарорат ошиши билан пасаяди ёки маълум бир температурагача ошиб, кейин эса ҳароратнинг ошиши билан уларнинг эрувчанлиги камаяди. Тўйинган эритма тайёрлаш учун 100 г сувга тўғри келадиган натрий карбонатнинг миқдори ҳар хил температураларда қуйидагича бўлади: