Т нинг жиноий қилмишига ҳуқуқий баҳо беринг. Жиноят таркиби зарурий ва факульатив белгилари юридик таҳлил қилинг? Жиноят таркиби зарурий ва факульатив белгилари ўзаро муносабатини қандай? Жавобингизни асосланг

Туман ободончилик бошқармаси раҳбарининг қилмишини квалификация қилинг.


41-Казус
. Ғ.Ш.Салахдинов, 2018 йил август ойидан 2020 йил октябрь ойига қадар Зангиота тумани давлат рўйхатидан ўтган, нодавлат тижорат ташкилоти бўлган “OAZIS MEGA BIZNES SAVDO” МЧЖ раҳбари лавозимида, шу билан бирга омбордаги мол-мулкга жавобгар шахс лавозимида ишлаб келиб, қонун талабларига зид равишда мансаб ваколатини суиистеъмол қилиб ва улардан қасддан фойдаланиб, Ўзбекистон Республикаси Вазирлар Махкамасининг 15.07.2009 йилги 200-сонли Қарори билан тасдиқланган “Давлат даромадига ўтказиладиган мол-мулкларни олиб қўйиш, сотиш ва йўқ қилиб ташлаш” Низоми асосида МЧЖ омборига топширилган, яъни унинг ихтиёрида бўлган ва унга ишониб топширилган ТМБларни қабул қилиш-топшириш ҳақида далолатнома расмийлаштирмай, жуда кўп миқдордаги 175 588 536 сўмлик товар моддий бойликларини ўзлаштириш ёки растрата қилиш йўли билан талон-торож қилган. ИЖҚК Департаментнинг Тошкент вилоят бошқармаси ва Зангиота туман Суд ижрочилар бўлими томонидан нодавлат тижорат ташкилоти бўлган “OAZIS MEGA BIZNES SAVDO” МЧЖнинг молиявий хўжалик фаолияти юзасидан текшириш ўтказилиб, 18.04.2021 йилда тузилган далолатномага кўра, Вазирлар Махкамасининг 15.07.2009 йилги 200-сонли Қарори билан тасдиқланган “Давлат даромадига ўтказиладиган мол-мулкларни олиб қўйиш, сотиш ва йўқ қилиб ташлаш” Низоми асосида МЧЖга сотиш учун топширилган ТМБлар инвентаризациядан ўтказилганида, бир нечта ижро ҳужжатлари бўйича жами 175 588 536 сўмлик ТМБлар савдо пештахталари ва МЧЖ омборхонасида мавжуд эмаслиги ҳамда 35 105 575 сўмлик ТМБлар фойдаланишга яроқсиз ҳолатга келганлиги аниқланган.
Бундан ташқари, Ғ.Ш.Салахдинов ўз жиноий ҳаракатларини давом эттириб, нодавлат тижорат ташкилоти бўлган “OAZIS MEGA BIZNES SAVDO” МЧЖ раҳбари лавозимида ишлаб келиб, нодавлат тижорат ташкилотида мансабдор шахс бўлгани ҳолда, жамиятнинг қатьий ҳисобида бўлган бухгалтерия бирламчи ҳужжатларини ғаразгўйлик ва бошқа паст ниятларда эгаллаб, ИЖҚК Департаментнинг Тошкент вилоят бошқармаси ва Зангиота туман Суд ижрочилар бўлими томонидан МЧЖда ўтказилган ҳужжатли текширувга тақдим этмасдан, нобуд қилганлиги аниқланган.