T. J. B. A. K. T yo’nalishi 70-20 guruh talabasi Raximov Asilbekning "sohaning texnologik o’lch ashlari va asboblari"

Laboratoriya qurilmasining bayoni
Laboratoriya qurilmasi virtual stendlar ko‘rinishida tayyorlangan bo‘lib, ularda bosimni xar xil o‘lchash usullari anematsiya ko‘rinishida virtual ravishda ko‘rsatilgan. Hususan, suyuqlikli va deformatsion (trubasimon prujinali, silfonli va membranali) manometrlar.


Laboratoriya ishini bajarish usuli va tartibi
1. Suyuqlikli manometrlarning ishlashini o‘rganish. Kompyuterda suyuqlikli manometrlar virtual stendlari keltirilgan faylni topib oching. Dasturni ishga tushirib, suyuqlikli manometrlar ishini kuzating, so‘ngra virtual stendlardagi kuzatuv bo‘yicha o‘lchov asbobi ishlash prinsipini yozing.
2. Deformatsion manometrlarning ishlashini o‘rganish. Kompyuterda deformatsion manometrlarining virtual stendlari keltirilgan faylni topib oching. Dasturni ishga tushirib, deformatsion manometrlar (trubasimon, silfonli va membranali) ishini kuzating, so‘ngra virtual stendlardagi kuzatuv bo‘yicha o‘lchov asbobi ishlash prinsipini yozing.
Hisobotni tayyorlash
Hisobot virtual stendlarni ko‘rib, o‘rganish natijasida o‘lchov asboblarining chizmalari va ishlashi to‘g‘risidagi ma’lumotlarni o‘z ichiga oladi.


7-LABORATORIYA ISHI.
MEMBRANALI MANOMETRLARNI ISHLASH PRINSIPINI O‘RGANISH.
Ishning maqsadi: Membranali manometrlarni ishlash prinsipini o‘rganish.


Membranali asboblar.
So‘nggi yillarda membranali asboblar tobora keng qo‘llanilmoqda. Bu asboblarda sezgir ele­ment sifatida elastik materiallardan tayyorlangan yumshoq, shuningdek, gofrilangan plastinkasimon membranalar yoki gofrilangan membrana qutichalar ishlatiladi. Membranali asboblar, uncha katta bo‘lmagan ortiqcha bosimlar va siyraklanishlarni (manometrlar, naporomerlar va tyagomerlar) hamda bo­simlar farqini o‘lchash uchun (difmanometrlar) qo‘llanadi.
Membrananing egilishdagi elastikligi uning geometrik o‘lchamlariga (diametri, qalinligi, gofrilarining soni, shakliga), materialiga hamda unga ta’sir qiladigan bosimga bog‘liq bo‘ladi. Membranadagi gofrilar uning bikirligini oshiradi va xarakteristikasining to‘g‘ri chiziqli bo‘lishini ta’minlaydi.
Membrananing bikirligini oshirish maqsadida uning o‘rga qismiga qattiq magerialdan yasalgan disk yoki prujina o‘rnatiladi. Membrana rezina, plastmassa, latun, bronza va boshqa materiallardan tayyorlanadi. Bronzadan tayyorlangan mem­brananing qalinligi o‘lchanadigan bosim miqdoriga qarab 0,02—1,0 mm bo‘lishi mumkin.
Membranaga ikkala tomondan ta’sir etadigan bosimlar farqi ta’sirida uning markazi siljiydi. Membrana markazining bosim ta’sirida siljishi katta emas va 1,5—2,0 mm ni tashkil etadi. Bu hol asboblarning sezgirligini kamaytiradi va uzatish soni katta bo‘lgan mexanizm qo‘llanishni talab etadi. Membranali asboblarning bu kamchiliklari ularni qo‘llanish doirasini toraytiradi.
Membranali elastik sezgir elementlar, ko‘proq membrana­li quticha ko‘rinishida, asboblarda dam va siyraklanishni o‘lchashda ishlatiladi. 1-rasmda profilli tyagonaporomer (TNMP) tuzilishining sxemasi tasvirlangan.
Elastik element sifatida membrana quti 2 ishlatilgan. Bu quti ikkita kavsharlangan, gofrilangan membranalardan iborat bo‘lib, o‘lchanayotgan muhit bilan naycha 1 orqali bog‘langan.

1-rasm. Profilli tyagonaporomer (TNMP) tuzilishining sxemasi.

Bosimning o‘zgarishi mem­brana qutichaning egilishini o‘zgartiradi. SHunda membrananing ustki qismiga kavsharlangan shtift 8 tirsakli richag 5 ni buradi, richag esa o‘z navbatida tortqi 7 va povo­dok 9 orqali strelka 6 ni buradi. Strelkani boshlang‘ich holatga keltirish uchun qaytaruvchi prujina 10 mavjud.
Membrananing siljishi o‘lchanayotgan bosimga proporsional bo‘lmagani sababli, asbob konstruksiyasida tekis shkalaga ega bo‘lish uchun maxsus qurilma ko‘zda tutilgan. Bu qurilma yassi prujina 3 va rostlovchi vintlari bo‘lgan kronshteyn 4 dan iborat. Strelka vint 12 orqali nol belgisida o‘rnatiladi. Vintni soat strelkasi yo‘nalishida burash natijasida uning ko­nus qismi halqa ichiga kiradi va richag 11 ni ko‘taradi, shun­da strelka shkala bo‘yicha o‘ng tomonga siljiydi. Agar vint soat strelkasi harakati yo‘nalishiga qarshi buralsa, richag 11, prujina 13 ta’sirida pastga harakatlanadi va strel­ka chap tomon siljiydi. Bunday membranali asboblar turli modifikatsiyalarda ishlanadi hamda ±250 Pa dan ±25 kPa gacha bo‘lgan o‘lchash chegaralariga mo‘ljallangan. Ularning aniqlik klassi 1,5 va 2,5.

2 – rasm. YUmshoq membranali difmanometrning prinsipial sxemasi.(DM)

DAS elektr va pnevmatik tarmoqlari tarkibiga kirgan yumshoq membranali difmanometrlar (DM) keng tarqalgan. DPS tarmoqlariga kirgan asboblarning o‘lchov qismlari ham yuqoridagidek, 2-rasmda gaz bosimi o‘zgarishlarini masofaga uzatuvchi elektr signallarga uzluksiz aylantirishga mo‘ljallangan membranali elektr difmanometrning prinsipial sxemasi keltirilgan. Asbobning ishlash prinsipi elektr signalli kompensatsiyaga asoslangan O‘lchanayotgan bosimlar farqi membranali o‘lchash bloki 12 ning musbat va manfiy kameralariga keltiriladi. Membrana yordamida bosimlar farqi unga proporsional kuchga aylantiriladi. Membranada hosil bo‘lgan kuch richag 11 yordamida o‘zgartgichning richagli uzatish mexanizmiga uzatiladi. O‘zgartgich T- simon richag 1, G- simon richag 2 va richag 8 dan iborat bo‘lib, teskari bog‘lanish kuchi bilan muvozanatlanadi. Teskari bog‘lanish kuchi magnitoelektr mexanizm 9 da (teskari bog‘lanish qurilmasi) bosimlar farqi o‘zgarishi bilan hosil bo‘ladi. Bunda richag 8, nomoslik indikatori 6 ning bayroqchasi 5 ni siljitadi. Indikatorda paydo bo‘lgan nomoslik elektr signali kuchaytirgich 7 da kuchayadi va magnitoelektr kuch qurilmasi 9 ga keladi. SHu bilan birga bu signal masofaga uzatish liniyasiga keladi va o‘lchanayotgan parametr miqdorini bildiradi. SHunday qilib, asbobning chiqish signali o‘lchanayotgan bosimlar farqiga to‘g‘ri proporsional. Asbobning nol belgisiga sozlanishi prujina 4 orqali bajariladi. Bu turdagi asboblar bosimlarning 100 Pa dan 6,3 kPa gacha chegaralarida o‘lchash uchun moslangan; asboblarning aniqlik klassi 1.
Membranali asboblarning kamchiligi—sezgir element qo‘zg‘aluvchan markazining sust yurishi, membrana bikirligining hisobdan chetlanishi va uni rostlash murakkabligidadir. Sezgir elementlarning bu kamchiligi elektr va pnevmatik kuch kompensatsiyasi sxemasi bo‘yicha qurilgan asboblarda bartaraf etiladi.
Qovushoq suyuqliklar va ximiyaviy agressiv muhitlar bosimini o‘lchash uchun manometrlar eng qulay, chunki asbob nippelidagi to‘g‘ri va keng kanal hamda membrana ostidagi katta bo‘shliq qovushoq suyuqlik uchun erkin yo‘l ochib beradi va ifloslanish ehtimolining oldini oladi. Asbob sezgir qismining sodda shakli membranani agressiv muhit ta’siridan engillik bilan himoya qiladi. Buning uchun membrananing pastki sirti ximiyaviy chidamli metalldan qilingan yupqa folga bilan yoki chidamli plastmassa (ftoroplast va h.) dan qilingan plyonka bilan qoplanadi.