С¤з боши ¤рнида

4.1.3. Захираларни баҳолаш.

Товар-моддий захиралари таннархи ёки соф сотиш қийматидан қайси бири камроқ бўлса, ўша бўйича баҳоланиши лозим.
Товар-моддий захиралар таннархи.
Товар-моддий захиралар таннархига ТМЗларни сотиб олиш, қайта ишлаш ва уларни ҳозирги пайтдаги жойлашиши ҳамда ҳолатига келтириш учун амалга оширилган бошқа жами харажатлар киритилиши лозим. Сотиб олиш харажатлари. Товар-моддий захиранинг сотиб олиш харажатларига харид нархи, импорт божлари ва бошқа солиқлар (солиқ идоралари томонидан тадбиркорлик субъектига кейинчалик қайтариладиганлардан ташқари), ташиш, ортиш-тушириш ҳамда тайёр маҳсулотлар, материаллар ва хизматларни сотиб олиш билан бевосита боғлиқ бошқа жами харажатлар киради.

1-вазият: Сотишнинг ҳаққоний қиймати ва ҳақиқий (соф) қиймати. ”Альфа” компанияси сотиб олувчи билан ҳар бир баррели 25 АҚШ $ дан (ҚҚС ҳисобга олинмаган ҳолда) 100 баррел нефт етказиб бериш юзасидан шартнома имзолади. Қайд этилган нарх 2 ой учун ўрнатилган. Биринчи ойнинг охирида нефтнинг бозор қиймати 30 АҚШ $га ошди (ҳаққоний қиймати 30 АҚШ $ ни ташкил этади). Шу вақтда компания юқорида қайд этилган нархда 100 баррел нефтни сотиб олади. Сотишнинг ҳақиқий (соф) қиймати сотиш харажаталарини чегириб ташлаганда 25 АҚШ $ ни ташкил этади. Бу ҳолатда зарар компания томонидан қуйидагича акс эттирилади.
Молиявий ҳисобот модаллари	ФЗҲ/ББ	Дт	Кт
Заҳиралар	ББ	3.000
Пул маблағлари	ББ		3.000
Заҳиралар	ББ		500
Заҳиралардан зарарлар	ФЗҲ	500
Ҳақиқий (соф)сотиш нархи бўйича заҳираларни қайта баҳолаш
ФЗХ-фойда ва зарарлар тўғрисидаги ҳисобот, ББ-бухгалтерия баланси