Swot tahlil bu- yangi goyalar va tashabbuslar buyicha strategik rejalashtirish va qaror qabul qilishda yordam beradigan usul

Menejerning korxonadagi vazifalari.

Menejerning vazifalari va ular amalga oshirilayotgan vaziyatlar turli tumandir, shunga qaramasdan uchta asosiylarni ajratish mumkin.
Birinchidan, menejer tashkilotning asosiy vazifalarini belgilaydi, resurslarni taqsimlash masalalarini hal qiladi, joriy tuzatishlar kiritishni amalga oshiradi, bunda u qabul qilingan qarorning oqibatlari uchun javobgarlikka ega boʻladi. Shuning uchun menejer nafaqat qarorning eng yaxshi variantini tanlashi, balki oʻzi rahbarlik qilayotgan jamoani ma’lum yoʻnalishga olib borishga jazm qilishi kerak.
Ikkinchidan, menejer ichki va tashqi muhit haqidagi axborotlarni toʻplaydi, ularni tarqatadi va nihoyat tashkilotning maqsadlarini tushuntirib beradi. Menejerning ishining natijasi uning qancha axborotga ega boʻlishiga bogʻliqdir.
Uchinchidan, menejer tashkilotning ichidagi va tashqarisidagi munosabatlarni shakllantiruvchi, tashkilot a’zolarini maqsadlarga erishishga undovchi, ularning harakatlarini muvofiqlashtiruvchi, tashkilotning vakili sifatida harakat qiluvchi rahbar sifatida boʻladi. U odamlar orqasidan borishga tayyor boʻlgan kishi boʻlishi kerak.
Menejerlarning tashkilotdagi oʻrniga, ular tomonidan hal qilinadigan vazifalarga koʻra ushbu vazifalar ularga koʻproq yoki kamroq darajada mos boʻlishlari mumkin. Ammo har bir menejer albatta qarorlar qabul qiladi, axborotlar bilan ishlaydi va tashkilot(boʻlinma)ning rahbari boʻladi.
Menejerlarni an'anviy ravishda uchta darajaga: qoʻyi, oʻrta, yuqoriga boʻladilar (6.1 rasm)
Quyi darajadagi menejerlar(kichik boshliqlar) bevosita ishchilar va boshqa xodimlarga (boshqaruvchilarga emas) rahbarlik qiladilar. Ularning zoʻraki ishi bitta vazifadan boshqasiga tez tez oʻtish bilan ta’riflanadi. Qarorlarni amalga oshirish uchun vaqtli davr gʻoyatda qisqadir.
Oʻrtacha darajadagi menejerlari kichik boshliqlarning ishini muvofiqlashtiradilar va nazorat qiladilar. Ular odatda tashkilotdagi yirik boʻlinmalarni boshqaradilar va yuqori va quyi darajalardagi rahbarlar oʻrtasidagi oʻziga xos bufer boʻladilar.