Сурхондарё вилояти автомобиль йўллари бош бошқармаси

Шовқинли ётиқ чизиқ - термопластдан 5 тадан чизилади, ҳар бирининг эни - 15 см.дан. Улар орасидаги масофа - 30 см.дан.
3. Қуврлар бўйича:
0 - 15 - км.лар оралиғида 12 та жойда қуврлар мавжуд бўлиб, уларнинг барчасида ҳар хил камчиликлар мавжуд. Йўналишлар бўйича 1-гурух бетон тўсиқлар (БДО-3) билан хавфсизлантирилмаган (автотранспорт воситаларининг сой ва ариқларга, жарларга тушиб кетиши олдини олиш учун). Қуврларнинг кўпчилигида бош қисмларига бетон қуйилмаган. Қатнов қисми бўйлаб ғилдирак қайтарувчи бетон тўсиқлар ўрнатилмаган.
Мавжуд барча қуврларни бош қисмларини тўғирлаб чиқиш, уларга 1-гурух бетон тўсиқ (БДО-3) ёки ғилдирак қайтарувчи бордюрларни хавфсиз ҳолатда ўрнатиш зарур. Айримларини катта ўлчамли қуврларга алмаштириш керак.
4. Йўл ёқаси (обочина) бўйича:
0 - 15 - км.лар оралиғида: ўрганиб чиқилган йўлнинг 13.8 км.лик қисмида, йўналиш бўйлаб ҳар икки томондаги йўл ёқасини ортиқча нарсалардан тозалаб, уларни тўғирлаб чиқиш (қатнов қисми билан тенглаштириш) ва 3 - тоифали йўл габаритига (йўл 3 - тоифали) мос равишда таъмирлаш ҳамда қатнов қисми четидан мустаҳкамланган тасма бўлишини таъминлаш зарур.
5. Йўл қатнов қисми бўйича:
Ўрганилган йўлнинг 0 - 15 - км.лари оралиғида, йўл қопламасининг ҳолати қониқарли. Қатнов қисмидаги 23713 м² ҳар хил турдаги бузилишларни (тўрсимон ва кўндаланг ёриқлар, ўйдим-чуқурликлар, чўкишлар, дўнгалаклар, тўлқинсимон кўпчишлар, чуқур ғилдирак изларини) таъмирлаш ва қатнов қисми равонлигини таъминлаб, тегишли тоифа (йўл 3 - тоифа) габаритига мослаштириш мақсадга мувофиқ бўлади.
Автомобилларнинг суткалик ўртача ҳаракат жадаллиги хозирги кунда 1,9 - 2,1 мингтагача.
Йўлни ўлчамлари (айниқса қатнов қисми кенглиги, 4 м.дан 6 м.гача ўзгариб туради) 3 - тоифали йўлга тўғри келмайди.
3 - тоифали йўл ўлчамлари: қатнов қисми кенглиги 7.0 м., йўл ёқаси кенглиги 2.5 м.дан, шундан қатнов қисми тарафдан асфальт билан мустаҳкамланган тасма 0.5 м. (қатнов қисми четлари бузилиб кетмаслиги учун).