Сурхондарё вилояти автомобиль йўллари бош бошқармаси

Сурхондарё вилояти автомобиль
йўллари бош бошқармаси
бошлиғи


Ж.Б.Қиличевга
Маҳаллий аҳамиятдаги 4К620 "Денов ш. - Боботоғ даҳаси - Оқмачит қ." автомобиль йўлининг 0 - 15 - километрлари оралиғида ташкиллаштирилган ҳаракат хавфсизлигини аудит қилиш юзасидан


Х У Л О С А

2022 йил 12 январда тасдиқланган режага асосан биз, Ўзбекистон Республикаси Транспорт вазирлиги ҳузуридаги Автомобиль йўллари қўмитаси "Автомобиль йўлларида транспорт воситаларининг хавфсиз ҳаракатини ташкил этиш ва мониторинг қилиш маркази" бошлиғи ўринбосари З.Худайбердиев, бўлим бошлиқлари М.Рихсиев ва М.Ходжаевлар жорий йилнинг 12 февраль куни Сурхондарё вилояти Узун тумани ҳудудидаги маҳаллий аҳамиятдаги 4К620 "Денов ш. - Боботоғ даҳаси - Оқмачит қ." автомобиль йўлининг 0 - 15 - километрлари оралиғидаги қисмида ҳаракат хавфсизлиги қай даражада таъминланганлигини ўрганиш, хавфсиз ҳаракатланишни ташкиллаштириш, мавжуд камчиликларни аниқлаб тегишли тавсиялар берилиши бўйича амалий ёрдам кўрсатиш юзасидан аудит қилиш, видеотасвирга тушириш, автомобль йўллари бўйича фото-видеотасвирлар базасини тўлдириш мақсадида хизмат сафарига бордик.

4К620 "Денов ш. - Боботоғ даҳаси - Оқмачит қ." автомобиль йўлининг 0 - 15 - километрлари 1980 йилларда қурилган. Охирги марта 2002 йилда тўла таъмирланган ва шундан буён фойдаланилмоқда. Автомобиль йўли 3 - тоифали бўлиб, қатнов қисми асосан 2 поласали, қарама-қарши йўналишлар ётиқ чизиқ билан ажратилган. Ўтказувчанлик қобилияти суткасига ўртача 1,5 - 2,0 мингтагача бўлган автотранспорт воситалари ҳаракатини таъминлай олади. Транспорт оқимининг таркиби юк ва енгил автомобиллардан иборат.
Йўлнинг ўрганилган (0 - 15 - километрлар оралиғи) 15 километрлик қисмидаги ҳолат, айрим жойларини инобатга олмаганда қониқарли.
Олиб борилган ўрганишлар натижасида қуйидагилар маълум бўлди:

1. Йўл бўйича:

Йўл лойиҳаси йўқ. Йўл паспорти мавжуд (2018 йилда тайёрланган).
0 - 15 - километрлар оралиғи Узун ТЙФУКга қарашли.
Қатнов қисми қониқарли ҳолатда, айрим жойларини ва йўл ёқасини таъмирлаш зарур. Йўл ўлчамлари 3-тоифага мос келмайди. Биринчи навбатда - янги лойиҳага буюртма бериш ва унинг асосида тўла таъмирлаш ишларини бошлаш керак (хозирги кунда автомобилларнинг ўртача суткалик ҳаракат жадаллиги 1.9 мингтадан 2.1 мингтагача)

2. Йўл белгилари бўйича:
4К620 автомобиль йўлида жами 51 та йўл белгиси бўлиб, улардан 21 тасини алмаштириш ва етишмайдиган 54 та йўл белгиларини ўрнатиш кераклиги маълум бўлди (батафсил аниқланган камчиликлар тўғрисидаги маълумотда кўрсатилган).
Ўрганилган йўл қисмида (15 км. масофада) йўл белгилари ўлчами (типоразмери) 3 - тоифага тўғри келмайдиганлари бор.
Йўл титуль бўйича 3- тоифали, маҳаллий аҳамиятга эга йўл бўлгани учун тоифасига қараб барча йўл белгилари бир хил ўлчамда бўлиши ва Давлат стандарти бўйича белгиланган баландликда ўрнатилиши зарур.
Ўрганилган йўл қисмидаги барча километрни кўрсатувчи йўл белгиларини янгиларига алмаштириб, қайтадан тўғри ўрнатиш зарур (ҳар иккала йўналишдан ҳам аниқ кўриниб туриши керак). Оралиқ масофалари 850 м.дан 900 м.гача бўлиб қолган. Бази жойларда йўқ.
Шунингдек, ўрганилган йўл қисмидаги 6 та жойдаги хавфли бурилишларга (0.9 - ; 3.0 - ; 3.5 - ; 5.9 - ; 6.5 - ва 6.9 - км.ларда 7 тадан) қўшимча равишда 42 та йўналишни кўрсатувчи сариқ нур қайтарувчи белгилар ўрнатиш ҳамда 4 та жойга (0.9 -; 3.0 -; 5.9 - ва 6.9 - км.ларда) ҳар икки йўналиш бўйича шовқинли ётиқ чизиқ чизиш тавсия этилади.