Suragan edingiz

Саййид Раҳматуллоҳ ТЕРМИЗИЙ
ёки болалари билан гаплашиб ўтиради. Бу 
ҳам ота-онага нисбатан ҳурматсизликнинг 
бир кўриниши. Бошқа тоифа фарзандлар эса 
нафақат ота-онаси сўзига эътиборсиз, балки 
уларнинг сўзини бўлиб, талашиб-тортишади, 
ҳатто жанжаллашиб, даҳанаки жанг қилишгача 
етиб боради. Бу иш ота-онага нисбатан таҳқир, 
шаънини ерга уриш ва қадр-қиммати қай дара-
жада эканини билдириб қўйиш ҳисобланади.
Ота-онага уй юмушларида қарашмаслик. 
Бунга уй йиғиштириш, хона ичини тартибга 
келтириш, таом тайёрлаш ва ҳоказоларда 
қарашмаслик, ҳовли ёки уй ичида бирорта 
таъмирталаб ишлар чиқиб қолганда ота-онага 
ёрдам бермаслик кабилар киради. Баъзи ўғил 
фарзандлар одатда ҳовлига сув сепиш, таом 
учун картошка, пиёз ва ҳоказоларни арчиш 
каби аёллар бажарадиган ишларда онасига 
ёрдам беришни нолойиқ ҳисоблаб, ўзига 
тўғри келмайдиган иш деб ўйлайди. Айниқса, 
ёрдам берадиган қизи ёки келини бўлмаса, уй 
юмушларида онага ёрдам беришнинг нимаси 
ёмон?! Ахир Набий (алайҳиссалом) ҳам ҳовлини 
супуриб-сидириш, нон тайёрлаш каби айрим уй 
юмушларида аёлларига ёрдам берганлар-ку. 
Ўз аёлига ёрдамлашиш мумкин бўлсаю, онага 
ёрдамлашиш яна-да аъло ва авло эмасми?! Ўғил 
болаларни қўйиб турайлик, баъзи қизларимиз 
шундоқ кўзи олдида онаси қийналиб, куйиб-
пишиб уй ишларини қилаётган бўлса ҳам, 
ўрнидан қўзғалиб ёрдам берай демайди. Балки 
онасини шу аҳволда қолдириб, соатлаб телевизор 

---

Ота-онага оқ бўлишдан сақланайлик

 
27
олдида кетолмайди ёхуд телефонда дугоналари 
билан гап сотишдан бўшамайди. Бунда она 
бечора бир томондан ёлғиз ўзи уй ишларини 
қилиб қийналса, иккинчи томондан тарбиясиз 
қизининг ўзини тутишидан изтироб чекади.