Sultonov ziyomat tursunboy o’G’li “Matematika o’qitish jarayonida smarttexnologiyalardan foydalanish

I. Yangi bilimlarni o’zlashtirish darsi. Bu turdagi dars tajriba guruhiga jalb etilgan respondent-o’quvchilarda media, mediata’lim va mediamadaniyat, smart texnologiyalar, AKT, informatika va axborot texnologiyalar asoslari yuzasidan nazariy va amaliy bilimlarni shakllantirishga yo’naltirildi. Odatda mazkur turdagi dars mini-ma’ruza, suhbat, taqdimot, vebinar, onlayn mini-ma’ruza, vebinar, mini-konferensiya kabi shakllarda tashkil etiladi. Tajriba-sinov jarayoni bizda asosan pandemiya sharoitida olib borilganligi sababli, mashg’ulotlar mini-ma’ruza, vebinar hamda onlayn mini-ma’ruza shaklidagi darslar tashkil etildi.
II. Bilimlarni mustahkamlash va bilim, ko’nikma, malakalarni shakllantirish darsi. Ushbu dars turi o’z mazmuniga ko’ra o’quvchilarga muayyan mavzu bo’yicha nazariy bilimlar berilgandan so’ng ularda o’zlashtirilgan bilimlarni amaliyotda qo’llashga doir ko’nikma, malakalarni shakllantirish maqsadida tashkil etiladi. Mazkur darslar odatda munozara, trening, laboratoriya ishi, loyiha, hisobot tayyorlash, keys, assessment, geymifikatsiya kabi shakllarda o’tkaziladi. Tajriba-sinov ishi jarayonida tajriba guruhidagi respondent-o’quvchilar ishtirokida munozara, trening, assessment asosida ular tomonidan o’zlashtirilgan mediata’lim asoslari va ulardan amaliyotda foydalana olish ko’nikma, malakalarini shakllantirishga qaratilgan darslar tashkil etildi.
III. Bilimlarni umumlashtirish va tizimlashtirish darsi o’quvchilar tomonidan o’zlashtirilgan ma’lumotlarni tahlil qilish, tizimlashtirish asosida ularning nazariy va amaliy ahamiyati yuzasidan zaruriy qarorlarni qabul qilish, muayyan xulosaga kelishga xizmat qiladi. Bu turdagi darslarning eng ommalashgan metodlari – blits-so’rov, klaster, jamoaviy hamda guruhli keyslar, muammoli ta’lim sanaladi. Tajriba-sinov ishini olib borish chog’ida blits-so’rov, keyslardan maqsadli foydalanildi.
IV. Bilim, ko’nikma, malakalarni nazorat qilish va bilimlarni korreksiyalash darsi respondent-o’quvchilar tomonidan o’zlashtirilgan Geometriya asoslari, raqamli ta’lim tarkibiy elementlariga oid bilim, ularni amaliyotga tatbiq etish ko’nikma, malakalarini nazorat qilish hamda bilimlarni korreksiyalashga yo’naltirildi. Keys, yozma ish, esse, sinov, test, gibrid imtihonlar mazkur turdagi darsning eng ommalashgan shakllari hisoblanadi. Keyslarning ta’lim jarayonida qo’llanishi nazariy bilimlarning amaliyot bilan bog’lashda, shuningdek, DTS da talab qo’yilgan tayanch kompetensiyalarni shakllanishida, ya’ni, axborotlarni izlash, tahlil qilish va baholash ko’nikmalarini shakllanishida qulay bo’lib, o’quvchilarda axborot savodxonligi - mediasavodxonlik, mediabilimdonlik, mediakompetensiya va mediamadaniyatni samarali rivojlantiradi.
V. Aralash dars o’zida o’quvchilarga ham nazariy ma’lumotlarni berish, ham ularni mustahkamlash asosida amaliy ko’nikma, malakalarni shakllantirish, ham bilimlarni umumlashtirish, tizimlashtirish, ko’nikma, malakalarni mustahkamlash, ham bilim, ko’nikma, malakalarni nazorat qilish, bilimlarni korreksiyalash maqsadini ifodalaydi. Bu turdagi darslarning asosiy shakllari davra suhbati, suhbat, ekskursiya, konferensiya, “Mahorat darsi” sanaladi.
Quyida tadqiqot metodikasi bo’yicha ishlab chiqilgan dars ishlanmalaridan ayrimlari taqdim etiladi. SHuningdek, tajriba-sinov davomida foydalanilgan dars ishlanmalaridan namunalar bilan ilovalarda tanishish mumkin.