Sug'urta haqida

O'zbekistonda majburiy tibbiy sug'urta joriy etiladi

O'zbekistonda «Tibbiy sug'urta to'g'risida»gi qonun loyihasi ishlab chiqiladi. Bu O'zbekiston Respublikasi Prezidenti Shavkat Mirziyoyev «Sog'liqni saqlash sohasida xususiy sektorni yanada rivojlantirish chora-tadbirlari to'g'risida»gi qarorida belgilab qo'yilgan.
Qonun loyihasida tibbiy sug'urta tizimini keng joriy etgan holda, aholiga davlat tomonidan ko'rsatiladigan kafolatli bepul tibbiy yordam bilan birga, sifatli va arzon maslahat-tashxis, davolash, sog'lomlashtirish va boshqa turdagi tibbiy xizmatlardan foydalanish uchun qo'shimcha imkoniyatlar yaratadigan pulli tibbiy xizmatlar bozorini jadal rivojlantirish bo'yicha huquqiy asos sifatida xizmat qilishi belgilab qo'yildi.
Shu bilan birga, «Tibbiy sug'urta to'g'risida»gi qonun loyihasi konsepsiyasi tibbiy sug'urta sohasidagi o'zaro munosabatlarni tartibga solish, ixtiyoriy va majburiy tibbiy sug'urtaning huquqiy asoslarini belgilash, sug'urta polislari bo'yicha kafolatli yuqori sifatli tibbiy xizmatlar ko'rsatish, fuqarolar uchun tibbiy sug'urta tizimida ishtirok etishda rag'batlantiruvchi imtiyoz va preferensiyalar yaratish va boshqa masalalarga qaratilgan bo'ladi.
Eslatib o'tamiz, qarorda sog'liqni saqlash sohasida xususiy sektor tomonidan ko'rsatilayotgan xizmat turlarini yanada kengaytirish ham ko'zda tutilgan. Xususan, ayni paytgacha xususiy tibbiyot muassasalariga 177 turdagi tibbiy xizmatlarning atigi 50 tasiga ruxsat etilgan bo'lib, qolganlari taqiqlangan edi. Mazkur qarorga binoan, endi ularga tibbiy xizmatlarning deyarli barcha turlarini ko'rsatishga ruxsat berildi.
Ruxsat etilgan tibbiy xizmat turlariga esa kardiojarrohlik, neyrojarrohlik, mikrojarrohlik, onkologiya, anesteziologiya va reanimatologiya, gelmintologiya, intervitsion kardiologiya, immunobiologik va immunoferment tashxis qo'yish, qon-tomir, torakal va abdominal jarrohlik va tibbiyot sohasida talab yuqori bo'lgan boshqa yo'nalishlar kiritildi.

odimlarning hayoti va sog’lig’ini sug’urtalash: ish beruvchi uchun afzalliklar

15.09.2013
Har bir korhona, faoliyat sohasi va ko’lamalaridan qat’iy nazar, malakali hodimlarni jalbqilish va ularni kompaniyada uzoq vaqt ishlashga rag’batlantiradigan shart-sharoitlarni yaratishdan manfaatdor bo’lsa kerak, albatta. Mazkur maqolada korxona kadrlar siyosatida nazarda tutiladigan rag’batlantiruvchi omillar sifatida qanday sug’urtalash vositalaridan foydalanish mumkunligini haqida so’z yuritamiz.
Read more: Xodimlarning hayoti va sog’lig’ini sug’urtalash: ish beruvchi uchun afzalliklar