Sud va huquqni muhofaza qiluvchi organlar

Kazus 11

“Sud va huquqni muhofaza qiluvchi organlar” fani seminar mashg‘ulotida tuman prokurori yordamchisi Axmedov ishtirokida master-klass o‘tkazildi. Ushbu master-klassda talaba Imamov fanga oid o‘z nuqtai nazarini bildirdi. Uning fikricha, bugungi kunda “Huquqni muhofaza qiluvchi organlar” atamasi eskirgan bo‘lib, sobiq sovet davridan qolgan va bu tushuncha faqat ijro hokimiyati tizimiga kiruvchi jinoyatchilikka qarshi kurash va jamoat tartibini saqlash organlari faoliyatiga tegishli ekanligini aytdi.Bundan tashqari, zamonaviy rivojlangan davlatlarda hozirgi kunda “huquqni muhofaza qilish faoliyati” haqida so‘z boradi, boisi bu faoliyatda nafaqat davlat organlari, balki nodavlat tashkilotlar, xattoki fuqarolar ham qatnashadi. Shu bois, “Huquqni muhofaza qiluvchi organlar” o‘rniga “Huquqni muhofaza qilish tizimi” atamasini qo‘llash maqsadga muvofiq deb fikr yuritdi. Ushbu fikrga javoban prokuror yordamchisi Axmedov, bu fikr noto‘g‘riligi, chunki tizim bilan organ tushunchalari o‘rtasida tafovut borligini, ya'ni huquqni muhofaza qilish tizimi kengroq tushuncha bo‘lib, unga huquqni muhofaza qiluvchi organlar va boshqa tashkilotlar, shu jumladan NNTlar ham kirishi, ammo ular bir-biriga qarshi emasligini tushuntirdi.