Statistika” fanidan Oʻquv-uslubiy majmua

Tanlama kuzatish
Tanlama kuzatish mohiyati, uni qo‘llash sabablari va afzalliklari. Tanlama kuzatishni statistika amaliyotida qo‘llash mumkinligining nazariy asoslari. Chebo‘shev - Lyapunov teoremalari. Tanlama kuzatishni shakllantirish printsiplari.
Tanlama kuzatish reprezentativlik xatosi. O‘rtacha kvadratik va chegaraviy xatolar. Tanlama kuzatish xatosini baholashda normal taqsimotning ahamiyati. Bosh to‘plam parametrlari (ko‘rsatkichlari)ni tanlama statistikalari (ko‘rsatkichlari) yordamida baholash. Reprezentativ tanlama to‘plam zaruriy sonini aniqlash. Tanlama kuzatish natijalarni bosh to‘plamga tarqatish usullari.
Reprezentativ tanlama kuzatishni tashkil etish yo‘llari: tasodifiy tanlama kuzatish; mexanik tanlama kuzatish; tipik tanlama kuzatish; seriyali tanlama kuzatish; kombinatsion tanlama kuzatish.
Kichik tanlama kuzatish mohiyati va uning o‘ziga xos xususiyatlari. Kichik tanlama reprezentativlik xatosini Styudent taqsimoti yordamida baholash. Statistik gipoteza (faraz)larni tekshirish. Dispersion tahlil asoslari.
Bozor iqtisodiyoti sharoitida tanlama kuzatishni qo‘llash amaliyoti.


Regression va korrelyatsion tahlil
Ijtimoiy-iqtisodiy hodisalar o‘rtasidagi o‘zaro bog‘lanishlarni o‘rganish ahamiyati va ularni statistik tadqiq qilish zarurligi. O‘zaro bog‘lanishlar turlari: funktsional va korrelyatsion bog‘lanishlar, ularning o‘ziga xos xususiyatlari. Korrelyatsion bog‘lanishlarni statistik o‘rganish usullari (parallel qatorlarni taqqoslash, grafik tasvirlash, analitik guruhlash, dispersion tahlil, korrelyatsion-regression tahlil).
Korrelyatsion-regression tahlil – hodisalar o‘rtasidagi sabab-oqibat bog‘lanishlarni statistik o‘rganish usuli, uning asosiy vazifalari va qo‘llash shart-sharoitlari.
Juft chiziqli korrelyatsiya. Juft chiziqli regressiya tenglamasi va uning parametrlarini “eng kichik kvadratlar usuli” yordamida aniqlash. Chiziqli korrelyatsiya koeffitsienti – juft korrelyatsion bog‘lanish zichligi (kuchi) ning me’yori. Chiziqli korrelyatsiya koeffitsientini hisoblash formulalari. Chiziqli korrelyatsiya koeffitsienti va regressiya tenglamasi parametrlarining ishonchliligini normal va Styudent taqsimotlari yordamida baholash yo‘llari.
Juft nochiziqli korrelyatsiya. Giperbolik va parabolik regressiya tenglamalari va ularning parametrlarini hisoblash. Korrelyatsion munosabat va uni xossalari. Korrelyatsion munosabat ishonchliligini Fisher mezoni yordamida baholash. Yuqori tartibli parobolik regressiya tenglamalari parametrlarini Chebo‘shev ko‘phadlari yordamida hisoblash tartibi.
Spirmen va Kendel rang korrelyatsiya koeffitsientlari – tartiblangan atributiv belgilar o‘rtasidagi bog‘lanishlar zichligining me’yori. Muqobil belgilar o‘rtasidagi bog‘lanishlar zichligining assotsiatsiya va kontingentsiya koeffitsientlari yordamida baholash. Atributiv belgilar o‘rtasidagi sabab-oqibat bog‘lanishlarini o‘lchash usullari: “xi – kvadrat” mezoni; Pirson va Chuprov koeffitsientlari.
Ko‘p omilli korrelyatsiya. Ko‘p omilli chiziqli regressiya tenglamasi. Ko‘p omilli chiziqli regressiya standart tenglamasini tuzish. Ko‘p omilli korrelyatsiya koeffitsienti. Xususiy korrelyatsiya koeffitsientlari. Ko‘p omilli korrelyatsiya, xususiy korrelyatsiya koeffitsientlari va regressiya tenglamasi parametrlarining ishonchliligini Fisher va Styudent mezonlari yordamida baholash yo‘llari.