Standartlari

Joriy soliq -bu davr uchun soliq solinadigan foyda (soliq zarari)dan to’lanadigan (qoplanadigan) foyda soliqlari summasi.
Majburiyat – bu tadbirkorlik sub’ektining bo’lib o’tgan hodisalardan yuzaga keladigan hozirgi paytda mavjud bo’lgan majburiyati bo’lib, uni so’ndirish natijasida tadbirkorlik sub’ektidan iqtisodiy nafni mujassamlashtirgan resurslarning chiqib ketishi kutiladi.
Majburiyatning soliq bazasi – uning balans qiymatidan ushbu majburiyat bo’yicha kelgusi davrlarda soliq maqsadlarida chegiriladigan har qanday summa chegirilgandagi hosil bo’ladigan qiymat.
Muddati kechiktirilgan soliq majburiyatlari -bu kelgusida soliq solinadigan vaqtinchalik farqlar bo’yicha kelgusi davrlarda to’lanadigan foyda soliqlarining summasi.
Restrukturizatsiya – bu rahbariyat tomonidan rejalashtirilgan va nazorat qilinadigan dastur
Rezervlar – majburiyatlar sifatida tan olinadi, chunki ular tadbirkorlik sub’ektining hozirgi paytda mavjud bo’lgan majburiyatlari bo’lib, ularni so’ndirish natijasida tadbirkorlik sub’ektidan iqtisodiy nafni mujassamlashtirgan resurslarning chiqib ketishi ehtimoli bor.
Savdo bo’yicha to’lanadigan schyotlar – bu olingan yoki yetkazib berilgan tovarlar yoki xizmatlar uchun to’lanadigan va mol yetkazib beruvchi tomonidan hisob-kitobi talab etilgan yoki u bilan rasmiy kelishilgan majburiyatlardir.
Shartli aktiv – bu bo’lib o’tgan hodisalardan yuzaga kelishi mumkin bo’lgan va uning mavjudligi faqatgina tadbirkorlik sub’ektining to’liq nazorati ostida bo’lmagan kelgusi noaniq hodisalarning biri yoki bir nechtasi sodir bo’lishi yoki sodir bo’lmasligi natijasida tasdiqlanadigan aktivdir.
Soliq xarajati (soliq daromadi) –bu davr foydasi yoki zarari aniqlanishida hisobga olingan joriy va muddati kechiktirilgan soliq bo’yicha umumiy summa.
Soliqlarni rejalashtirish imkoniyatlari – bu soliq zararini kelgusi yoki oldingi davrlarga o’tkazish muhlati tugamasdan xo’jalik sub’ekti tomonidan soliq solinadigan daromadni muayyan davrda shakllantirish yoki ko’paytirish uchun amalga oshirilishi mumkin bo’lgan choralardir.