Standartlari

Rejalashtirilgan operatsiya - bu majburiy bo’lmagan, ammo kutilgan kelgusi operatsiyadir.
Ulushli instrument - bu tashkilotning barcha majburiyatlari chegirilgandan so’ng uning aktividagi qoldiq ulushni tasdiqlovchi har qanday shartnomadir.
Xej samaradorligi - bu xejlangan riskga tegishli bo’lgan xejlangan moddaning haqqoniy qiymatidagi yoki pul oqimlaridagi o’zgarishlarning xejlash instrumentining haqqoniy qiymatidagi yoki pul oqimlaridagi o’zgarishlar bilan qoplanish darajasidir.
Xejlangan modda - bu aktiv, majburiyat, qat’iy kelishuv, yuqori ehtimolli rejalashtirilgan operatsiya yoki xorijdagi bo’linmaga sof investitsiyadir.
Xejlash instrumenti - bu belgilangan derivativ yoki (faqat xorijiy valyuta kursidagi o’zgarish riskining xedji uchun) belgilangan noderivativ moliyaviy aktiv yoki belgilangan noderivativ moliyaviy majburiyatdir.
Birgalikdagi faoliyat bo’yicha kelishuv - bu ikki yoki undan ko’proq tomonlar birgalikdagi nazoratga ega bo’lgan kelishuvdir.
Birgalikdagi nazorat - bu kelishuv ustidan nazoratning sharnomada kelishilgan taqsimlanishi.
Giperinflyatsiya sharoitida moliyaviy hisobot – bu giperinflyatsiyani boshidan kechirayotgan mamlakatlar valyutasida hisobot tuzadigan korxonalarning (konsolidatsiyalangan moliyaviy hisobotni ham o’z ichiga olgan) moliyaviy hisoboti .
Jamlangan moliyaviy hisobotlar - bu guruhning moliyaviy hisobotlari bo’lib, unda bosh tashkilot va uning sho’’ba tashkilotlarining aktivlari, majburiyatlari, kapitali, daromadlari, xarajatlari va pul oqimlari yagona iqtisodiy faoliyat yurituvchi sub’ektga tegishli sifatida taqdim etiladi.
Jiddiy ta’sir - bu investitsiya ob’ektining moliyaviy va operatsion siyosatining qarorlarida ishtirok etish darajasidir, ammo u ushbu siyosatlar ustidan nazorat yoki birgalikdagi nazorat bo’lib hisoblanmaydi.
Qaram tashkilot - bu shunday tashkilotki, bunda investor uning ustidan jiddiy ta’sirga egadir.