Sportda matematika

3. Auksotonik ish rejimi
– muskulning uzunligi o’zgarishi bilan tonusi xam o’zgaradi. 
Amaliyotda aloxida xolda bunday rejimlar uchramaydi, kursatilgan rejimlarning biri ustun turishi 
mumkin. 
Muskullar statik va dinamik ishni bajarishi mumkin. Statik ish bajarilganda muskullarning ishi 
tufayli tana xarakatsiz bo’lib, ma’lum bir xolatni saqlaydi. 
Statik ish
bajarilganda quyidagi ish turlari bajariladi: 
a) qarshilikni ushlab turish
– muskulning qisqarish kuchi qarshilik kuchi bilan tenglashadi va 
tananing ma’lum vaziyati saqlanib turadi. 
b) mustaxkamlab beruvchi ish
- muskulning ishi og’irlik kuchini engishga yo’nalgan. 
v) qotirib turuvchi yoki fiksatsiyalovchi ish
– muskulning kuchi antogonist muskullarni kuchini 
engishga yo’naltirilgan. 
Dinamik ish
bajarilganda muskullar tomonidan 3 xil ish bajariladi: 
a) qarshilikni engish ishi – muskulning ishi tananing muayyan qismi og’irligini yoki ma’lum bir 
qarshilikni engadi. 
b) qarshilik kuchiga bardosh bera olmaslik ishi
– muskulning taranglashgan xoldan qarshi kuchlar 
ta’sirida asta - sekin bushashadi va qarshilik kuchlarga bardosh bera olmaydi. 
v) ballistik ish
– juda qisqa vaqt ichida muskullar tomonidan qarshilikni engish ishini bajarish. 
Ballistik ish turida muskullar qisqa muddat davomida katta kuchni namoyon etadi va bu ish A =F t
formulasi bilan ifodalanadi. Relaksatsiya bu – muskul tomonidan qarshilik kuchiga bardosh bera 
olmaslik ish turi bo’lib, muskul tolalari bushashgan va cho’zilgan xolda bo’ladi. 
Xarakat jarayoni bajarilishida bir qancha aloxida muskullar xamkorlik bilan ish bajarishda ishtirok 
etadi. Funksional jixatdan muskullar antogonist va sinergistlarga bo’linadi. Sinergist muskullar 
deyilganda turli guruxlarga kiruvchi muskullarning xamkorlikda bir xil xarakatni bajarishishda 
ishtirok etishiga aytiladi. Masalan, trapetsiyasimon muskul bilan oldingi tishsimon muskuli kurakni 
pastki burchagini tashqariga tomon aylanishida ishtirok etadilar. 
Antogonist muskullar aloxida muskullar yoki turli muskul guruxlari qarama – qarshi xarakatda 
ishtirok etishiga aytiladi. Masalan, tirsak bo’g’imida elka oldini bukuvchi muskullardan elka 
muskuli misol bo’lsa, uning doimiy antogonisti bo’lgan elkani orqa guruxida joylashgan uch boshli 
muskul elka oldini yozishda ishtirok etadi. Muskullarning qarama-qarshi va xamkor ishlashi turli 
kurinishlarda bo’lishi mumkin. Bir xarakatda sinergist bo’lgan muskullar, ikkinchi xarakatda bir-
biriga nisbatan antogonist bo’ladi. Masalan, panjani bukishda tirsakni va bilakni bukuvchi 
muskullar sinergist xolda ishlashsa, panjani olib qochish va olib kelish xarakatlarida xar bir muskul 
aloxida funksiyani bajaradi. Panjani bukuvchi tirsak muskuli panjani olib kelishda, bilak muskuli 
esa panjani olib qochishda ishtirok etadi. Antogonist va sinergist muskullarini xamkor va 
koordinatsiyali qisqarishlarini bajarilishi nerv sistema tomonidan idora etiladi.