Sportda bashorat qilish va modellashtirish

II. O`quv fanining maqsadi va vazifalari
Fanni o`qitishdan maqsad- magistrlarda yillik va ko‘p yillik tayyorgarlik bosqichlarida sportda saralash, modellashtirish va bashorat qilishni ilmiy asosda tashkil qilish, zamonaviy texnologiyalar asosida boshqarish, sportchilarni sport turlariga saralash, bashorat qilish, modellashtirish usullari ilmiy tadqiqot natijalarini tartibga tushirish kabi bilim, ko‘nikma va malakalarni shakllantirish.
Fanning vazifalari- magistrantlarga sport zahiralarini tayyorlashni boshqarishning tashkiliy asoslari bilan tanishish, xorijiy mamlakatlarda sportda saralash, modellashtirish va bashorat qilishdan xabardor bo’lish, bosqichli saralash va sportni u yoki bu turi bilan shug`ullanishiga yaroqliligini aniqlash tizimini va tizimlarini o`zlashtirish, bashorat qilishning nazariy-usuliy asoslarini o`rgatish, yuqori darajali sport va jismoniy tarbiyada modellashtirish usullarini o`rgatish, mashg`ulot va musobaqa yuklamalari tizimi bilan tanishish, yosh sportchilar tayyorlashni boshqarish tizimida kompleks nazoratning shakl va usullarini o`rgatish, dars jarayonidagi og`zaki javoblar, bahs- munozaralar vositasida olingan bilimlarini amalda qo`llash, kurs mavzusi asosida mustaqil ishlarni yozish, ilmiy tadqiqot ishi dissertatsiya natijalarini tartibga solish hamda o`rgatishdan iboratdir. Sportda saralash, modellashtirish va bashorat qilish fani-umumkasbiy fan hisoblanadi. Dasturni amalga oshirish o`quv rejasida rejalashtirilgan, ilmiy tadqiqot metrologiyasi, sport faoliyatining morfo-fiziologiyasi, sportda ilmiy tadqiqotlar fanlari, malakaviy amaliyotda hamda ilmiy tadqiqot ishi va dissertatsiyani tayyorlashda mustaqil ishlash uchun uzviy bog`liq hisoblanadi,
Fan bo`yicha talabalarning bilim, ko`nikma va malakalariga quyidagi talablar qo`yiladi:

• 
  Magistrant talabalarga sport zahiralarini tayyorlashni boshqarishning tashkiliy asoslari bilan tanishish, bosqichli saralash va sportni u yoki bu turi bilan shug`ullanishiga yaroqliligini aniqlash tizimini va tizimlarini o`zlashtirish to`g`risida tasavvurga ega bo`lish;
  
• 
  Bashorat qilishning nazariy usuliy asoslarini o‘rgatish, yuqori darajali sport va jismoniy tarbiyada modellashtirish usullarini o`rgatish, mashg`ulot musobaqa yuklamalari tizimini bilishi va ulardan oydalana olishi;
  
• 
  Yosh sportchilar tayyorlashni boshqarish tizimida kompleks nazoratning shakl va usullarini o‘rgatish, dars jarayonidagi og‘zaki javoblar, bahs-munozaralar vositasida olingan bilimlarni amalda qo‘llash ko‘nikmalariga ega bo‘lishi kerak.