So‘z boshi

Darsning borishi:

I. Tashkiliy qism:

– o‘quvchilarni darsga tayyorgarligini tekshirish;

– davomatni aniqlash;

II. O‘tilgan mavzuni mustahkamlash.

O‘quvchilarga maktab haqida qisqacha matn o‘qib beriladi. O‘qituvchi o‘quvchilarning tinglab tushunish, yozish ko‘nikmalarini rivojlantiradi. O‘quvchilar tinglaydilar va tushunganlarini gapiradilar va eslab qolgan so‘z va gaplarini daftarlariga yozadilar. Namuna. Maktabimiz chiroyli. Maktab binosi ustida respublikamiz bayrog‘i hilpiraydi. Keng va yorug‘ sinflarda o‘qiymiz. Maktab hovlisida gul va daraxtlar ko‘p. Biz ularni parvarish qilamiz. Maktabimizni juda sevamiz.

Audio: “Qadrdonim maktabim” she’rini o‘qituvchi o‘quvchilarga diqqat bilan eshitishni so‘raydi.

“Salom maktab” (Muhiddin Omon)

Salom, maktab, jon maktab,

Bilimlarga kon maktab.

Aql-u odob, tarbiya

Berguchi makon maktab.

Ustozlarim mehribon,

O‘qi, derlar bearmon,

Sen-Istiqlol farzandi,

Barkamol bo‘l, bolajon!

Sog‘lom bo‘lu, polvon bo‘l,

El-u yurtga posbon bo‘l.

Bel olishsang maydonda

Or-nomusi osmon bo‘l!.

Vatanning baxti uchun

Sarf aylagin bor kuching,

Olib elning duosin,

Ravo qil muddaosin.

Bu tilakka labbay, deb,

Javob beraman tayin.

Ma’rifat ziyosidan

Ulg‘ayaman kun sayin.

O‘zbekiston nomini

Jahonga qilgum doston.

Chunki boshqa topilmas

Dunyoda bunday bo‘ston

Eshitilgan she’r savollar yordamida mustahkamlanadi.

1. 
   Eshitgan she’r nima haqida ekan?
   
2. 
   Maktabga nima uchun kelamiz?
   
3. 
   Tarbiya, bilim qaerda berilar ekan?
   
4. 
   Vatan va maktab haqida yana nimalarni bilasiz?