Сонли Қўшма қарорига 2-илова Умумий ўрта таълим мактабларидаги “Камолот” ёшлар ижтимоий

XTV ning 2007 yil 1 yanvаr 19-sоnli buyrugigа 2-ilоvа.
Умумтаълим мактабларининг маънавий - маърифий тарбия ишлари бўйича директор ўринбосари ҳақида
Низом


Умумий қоидалар

Умумтаълим мактабларининг Маънавий-маърифий тарбия ишлари бўйича директор ўринбосари (кейинги ўринларда Директор ўринбосари) фаолияти Ўзбекистон Республикаси “Таълим тўғрисида”ги Қонуни, “Кадрлар тайёрлаш миллий дастури”, Ўзбекистон Республикаси Вазирлар Маҳкамасининг қарорлари, Халқ таълими вазирлиги томонидан ишлаб чиқилган тегишли меъёрий ҳужжатлар ва ушбу низом асосида ташкил этилади.

Директор ўринбосари таълим муассасасининг масъулиятли рахбарларидан бири - бош педагог-тарбиячи бўлиб, у юксак фуқаролик масъулияти ва ижтимоий фаоллиги, маънавий-маърифий жиҳатдан билимдонлиги, илмий ва ижодий дунёқарашининг кенглиги, болаларга, инсонларга нисбатан муҳаббати, педагогик жиҳатдан ўзини ўзи ривожлантиришга интилиш мавжудлиги, ўзига ва бошқаларга нисбатан талабчанлиги, умумий педагогик маданиятни эгаллаганлиги ва юқори касб маҳоратига эга бўлиши лозим.
Умумтаълим муассасаларида маънавий ва маърифий тарбия ишларини ташкил этиш ва ўқитувчи, ўқувчи, синф раҳбарлари, болалар етакчиси, психолог, маҳалла фуқаролар йиғини, ота-оналар қўмиталари, вояга етмаганлар ишлари бўйича комиссиялар, ҳуқуқ-тартибот идоралари, хомийлик ва васийлик комиссиялари, тегишли давлат ва нодавлат ташкилотлари, ижодий уюшмалар билан ҳамкорликда иш ташкил этишда маънавий-маърифий тарбия ишлари бўйича директор ўринбосари асосий мувофиқлаштирувчидир.
Директор ўринбосари таълим муассасасида ва кенг жамоатчилик орасида ўқувчиларнинг тарбияланганлик даражасига, ўқитувчиларнинг маънавий-маърифий фазилатларига кўра ўз касбига муносиблигига жавобгар шахс ҳисобланади.
Директор ўринбосари тарбиявий ишларни режалаштиради, педагог ходимларнинг ўқувчиларни мактабдан ва синфдан ташқари фаолиятга жалб этишини, ота-оналар билан ҳамкорлигини, болалар етакчиси ҳамда синф раҳбарларининг фаолиятини мувофиқлаштиради ва назорат этади.
Директор ўринбосари халқ таълими худудий (туман (шаҳар) халқ таълими) бошқарув идораси томонидан тайинланади.