Сонли Қўшма қарорига 2-илова Умумий ўрта таълим мактабларидаги “Камолот” ёшлар ижтимоий

Ўзбекистон Республикаси Халқ таълими вазирлигининг 2012 йил _____даги ___- сонли ҳамда Ўзбекистон “Камолот” ёшлар ижтимоий ҳаракати Марказий Кенгашининг 2012 йил _______даги ___- сонли Қўшма қарорига 2-илова

Умумий ўрта таълим мактабларидаги “Камолот” ёшлар ижтимоий
ҳаракатининг бошланғич ташкилоти
НИЗОМИ

1. 
   Умумий қоидалар
   

1. 
   Мазкур Низом Ўзбекистон Республикаси Конституцияси, “Ўзбекистон Республикасида ёшларга оид давлат сиёсати асослари тўғрисида”ги ва “Таълим тўғрисида”ги қонунлари, “Кадрлар тайёрлаш миллий дастури”, Ўзбекистон “Камолот” ёшлар ижтимоий ҳаракати (ЁИҲ) Устави, “Камалак” болалар ташкилоти ҳамда таълим муассасалари Низомларига мувофиқ ишлаб чиқилган бўлиб, “Камолот” ЁИҲнинг умумий ўрта таълим мактабларидаги бошланғич ташкилотлари (кейинги ўринларда Бошланғич ташкилот деб юритилади) фаолиятини белгилайди.
   
2. 
   Бошланғич ташкилот “Камолот” ёшлар ижтимоий ҳаракати ва унинг қошидаги “Камалак” болалар ташкилоти фаолиятини умумий ўрта таълим мактабида ташкил этадиган қуйи бўғин ҳисобланади.
   
3. 
   Умумий ўрта таълим мактабларидаги бошланғич ташкилотлар таълим-тарбия жараёнида ўқувчилар манфаатларини ҳимоя қилиш, таълим сифати юзасидан жамоатчилик назоратини олиб бориш, ўқувчиларнинг иқтидор ва истеъдодларини юзага чиқариш, ижтимоий фаоллигини ошириш, уларнинг билимли, одоб-ахлоқли, соғлом фикрли, маънавий баркамол шахслар бўлиб етишишида таълим муассасаларига кўмаклашиш мақсадида ташкил этилади.
   
4. 
   Бошланғич ташкилот умумий ўрта таълим мактабларининг “Камалак” болалар ташкилоти ва “Камолот” ЁИҲ аъзолари бўлган ўқувчилари ҳамда ўттиз ёшгача бўлган педагог ходимларини бирлаштиради.
   
5. 
   Бошланғич ташкилот фаолияти табиий етакчилик қобилиятига эга, ўттиз ёшдан ошмаган, “Камолот” ЁИҲ нинг фаол аъзоси бўлган олий маълумотли педагоглар орасидан сайланган ҳамда жамоатчилик асосида фаолият юритадиган Бошланғич ташкилот етакчиси (кейинги ўринларда Етакчи деб юритилади) томонидан ташкил этилади.
   
6. 
   Бошланғич ташкилот фаолияти умумий ўрта таълим мактаби директорининг маънавий-маърифий ишлар бўйича ўринбосари ҳамда “Камолот” ЁИҲ туман(шаҳар) кенгаши раиси ўринбосари томонидан мувофиқлаштириб борилади.
   

2.