Soliqlar va soliqqa tortish” kafedrasi “Jismoniy shaxslarni soliqqa tortish” fani mavzu: mavzu: jismoniy shаxslаr dаromаd soligʼini hisoblаsh vа budjetgа toʼlаsh

2.JISMONIY SHAXLARDAN OLINADIGAN DAROMAD SOLIG’I OBYEKTI,BAZASI VA STAVKALARI.


Soliq solish obʼekti

Soliq solish obʼekti boʼlib:

Soliq toʼlovchining jami daromadi jismoniy shaxslardan olinadigan daromad soligʼining (bundan keyin ushbu boʼlimda soliq deb yuritiladi) soliq solish obʼekti deb hisoblanadi.
Soliq Kodeksning 392-moddasida belgilangan tartibda soliqni qatʼiy belgilangan miqdorda toʼlash xohishini bildirgan yakka tartibdagi tadbirkorlar uchun soliqqa tortish obʼekti boʼlib amalga oshirilayotgan faoliyat turini tavsiflovchi fizik koʼrsatkichlar hisoblanadi. (Soliq kodeksining 365-moddasi)
Soliq solinadigan baza qanday aniqlanadi?
Soliq bazasi quyidagilar hisoblanadi:
1) Oʼzbekiston Respublikasining rezidentlari boʼlgan jismoniy shaxslar uchun —soliq imtiyozlarini hisobga olgan holdagi jami daromadlari;
2) Oʼzbekiston Respublikasining norezidentlari boʼlgan jismoniy shaxslar uchun —soliq imtiyozlari qoʼllanmagan holdagi jami daromadlari.
Soliq bazasini aniqlashda soliq toʼlovchining ham pul shaklida, ham natura shaklida olgan daromadlari yoki daromadlarni tasarruf etish uchun yuzaga kelgan huquqlari, shuningdek moddiy naf tarzidagi daromadlari hisobga olinadi. Bunda soliq toʼlovchining alohida turdagi daromadlari ushbu boʼlimda belgilangan shartlarda va tartibda jami daromad tarkibida hisobga olinishi yoki hisobga olinmasligi mumkin.
Soliq toʼlovchining chet el valyutasida ifodalangan daromadlari, haqiqatda daromadlar olingan sanadagi Oʼzbekiston Respublikasi Markaziy bankining kursi boʼyicha milliy valyutaga qayta hisob-kitob qilinadi.
Turli soliq stavkalari boʼyicha solinadigan soliq bazasi alohida aniqlanadi.
Soliq bazasi, agar soliq Kodeksda boshqacha qoida belgilanmagan boʼlsa, soliq davri boshidan eʼtiboran oʼsib boruvchi yakun bilan aniqlanadi.
Аgar soliq toʼlovchining daromadidan uning oʼz farmoyishiga, sudning yoki boshqa organlar va tashkilotlarning qaroriga koʼra ushlab qolishlar amalga oshirilsa, bunday ushlab qolishlar soliq bazasini kamaytirmaydi.