Soliq imtiyozlari va ularning amal qilishi

Jismoniy shaxslarning mol-mulkiga solinadigan soliq

STAVKALARI²³

6-jadval

T/r	Soliq solinadigan ob’ektlarning nomi	Soliq stavkasi, mol-mulkning kadastr qiymatiga nisbatan %da* 2019	Soliq stavkasi, mol-mulkning kadastr qiymatiga nisbatan %da*2018
1	Uy-joylar va kvartiralar, dala hovli imoratlari (umumiy maydoni 200 kv.m dan ortiq bo‘lganlari bundan mustasno), boshqa imoratlar, joylar va inshootlar	0,2	0,2
2	Shaharlarda joylashgan, umumiy maydoni quyidagicha bo‘lgan uy-joylar va kvartiralar:
	200 kv.m dan ortiq va 500 kv.m gacha bo‘lgan	0,25	0,25
	500 kv.m dan ortiq bo‘lgan	0,35	0,35
3	Boshqa aholi punktlarida joylashgan, umumiy maydoni 200 kv.m dan ortiq bo‘lgan uy-joylar va kvartiralar, dala hovli imoratlari	0,25	0,25

2019-yilda jismoniy shaxslarning mol-mulkiga solinadigan soliq stavkalari o’zgarishsiz qoldirilgan.

Soliq kodeksiga muvofiq, ko‘chmas mulkka bo‘lgan huquqlarni davlat ro‘yxatidan o‘tkazuvchi organ O‘zbekiston Respublikasining norezidenti tomonidan mulk qilib olingan (realizatsiya qilingan) ko‘chmas mulk ob’ekti to‘g‘risidagi ma’lumotlarni ushbu ob’ektlar joylashgan yerdagi davlat soliq xizmati organiga ro‘yxatdan o‘tkazilganidan keyin o‘n kun ichida ma’lum qilishi shart. Soliq solish ob’ektlarining o‘rtacha yillik qoldiq qiymati (o‘rtacha yillik qiymat) soliq davridagi har bir oyning oxirgi kunidagi holatga ko‘ra soliq solish ob’ektlarining qoldiq qiymatlarini (o‘rtacha yillik qiymatlarini) qo‘shishdan olingan summaning o‘n ikkidan bir qismi sifatida ortib boruvchi yakun bilan aniqlanadi.

O‘zbekiston Respublikasi norezidentlarining ko‘chmas mulk ob’ektlari bo‘yicha soliq solinadigan baza mazkur ob’ektlarga bo‘lgan mulk huquqini tasdiqlovchi hujjatlarda ko‘rsatilgan qiymat asosida aniqlanadi.

Qonun hujjatlariga muvofiq mulk qilib olingan er uchastkalari soliq solish ob’ekti sifatida qaralmaydi.

O‘zbekiston Respublikasi norezidentlarining ko‘chmas mulk ob’ektlariga nisbatan ushbu mol-mulkning o‘rtacha yillik qiymati soliq solinadigan bazadir.

Suv resurslarining yer usti manbalariga quyidagilar kiradi: daryolar, ko‘llar, suv omborlari, turli xil kanallar va hovuzlar, yer ustidagi boshqa suv havzalari hamda suv manbalari.

Suv resurslarining yer osti manbalariga artezian quduqlari va skvajinalar, vertikal va gorizontal drenaj tarmoqlari hamda boshqa inshootlar yordamida chiqazib olinadigan suvlar kiradi.