Сиртқи бўлими “инвестиция ва инновациялар” фанидан

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ТОШКЕНТ МОЛИЯ ИНСТИТУТИ



Сиртқи бўлими

“ИНВЕСТИЦИЯ ВА ИННОВАЦИЯЛАР” ФАНИДАН

Мустақил иш
МАВЗУ: “ИНВЕСТИЦИЯ” ТУШУНЧАСИНИНГ МАЗМУНИ ВА УНГА БЕРИЛГАН ТУРЛИ ТАЪРИФЛАР
Бажарди: СМ-63-2 гуруҳ


талабаси Баратов Ф.
Текширди: Саидахмедова З.


Тошкент – 2020

“ИНВЕСТИЦИЯ” ТУШУНЧАСИНИНГ МАЗМУНИ ВА УНГА БЕРИЛГАН ТУРЛИ ТАЪРИФЛАР

РЕЖА:

1. 
   Бозор иқтисодиёти шароитида инвестицияларнинг иқтисодиётда тутган ўрни
   
2. 
   Инвестициянинг иқтисодий моҳияти ва унга берилган таърифлар.
   
3. 
   Инвестицияларнинг турлари ва шакллари
   
4. 
   

1. Бозор иқтисодиёти шароитида инвестицияларнинг иқтисодиётда тутган ўрни
Иқтисодиётни эркинлаштириш шароитида республикамиз иқтисодиётида тармоқлар ва тармоқлараро пропорцияларда ижобий ўзгаришлар юз бермоқда, янги тармоқлар бунёд этилмоқда, қўшма корхоналар сони ошиб бормоқда. Иқтисодий ўсишга катта миқдорида инвестициялар ажратилди. Республикамиз иқтисодиётига сафарбар этилган йирик миқиёсда инвестициялар импорт ўрнини босувчи ишлаб чиқаришнинг барпо қилиниши ва янги маҳсулот турларининг ўзлаштирилиши билан боғлиқ бўлди.
Бундай тузилмавий ўзгартиришлар жаҳон хўжалигига кириб бориш, мамлакат иқтисодиётининг барқарор ўсишига эришиш имкониятларини яратади.
Инвестициялашнинг устивор йўналишларини аниқ белгилаш, илмий асосланган инвестиция қарорларини қабул қилиш инвестиция фаолиятини оқилона тартибга солиш асосида ички ва ташқи молиявий манбаларнинг барча шарт-шароитларини ҳисобга олган ҳолда жалб қилиш миллий иқтисодиётнинг келажагини белгилайди. Мамлакатимиз инвестиция фаолиятида, айниқса, хорижий инвестициялар иштироки кучайиб бормоқда.
Инвестиция фаолиятидаги бурилишлар, таъкидланган вазифаларни ечиш; инвестициялашнинг давлат механизмини эркинлаштириб бориш ва бозор механизмларида қўлланиладиган соҳаларни кенгайтириш; инвестициялашни ўз жамғармалари ҳисобидан таъминлашнинг самарали механизмларини ишлаб чиқиш ва жорий қилиш; лойиҳавий, корпоратив молиялаштириш, лизинг каби янги усуллардан фойдаланиш соҳаларини кенгайтириш талаб қилинади.