Sirdaryo viloyati Xalq ta’limi boshqarmasi Metodik xizmat bo‘limi Tuzuvchilar: F. Ergasheva

Yangi mavzu bayoni

Yangi mavzuni o‘tishga tayyorgarlik. Yuqoridagi o‘yin ham yangi darsni o‘tishga tayyorgarlikning dastlabki qismi. O‘qituvchi o‘quvchilarning odoblilik va odobsizlik belgilari haqidagi tasavvurlarini o‘rganib, xulosalab, bugungi dars ham shu mavzuga mehribonlik va donolikka qaratilganini aytadi.
Ertakni o‘qish. O‘qituvchi ertakni ifodali qilib o‘qiydi. Ertak mazmunini so‘zlab beradi. Ertak qahramonlari haqida suhbatlashiladi.
O‘tgan zamonda bir savdogarning uch qizi bo‘lgan ekan. Bir kuni savdogar safarga jo‘namoqchi bo‘libdi va qizlarini chaqirib:
– Qizlarim, men Xitoy mamlakatiga safarga ketyapman. Xohlagan narsalaringizni ayting, u yerlardan olib kelay! – debdi. Katta qizi bir shoda toza marvarid keltirishini so‘ rabdi. O‘rtancha qizi eng chiroyli shoyilardan olib kelishini iltimos qilibdi.
– Senga nima olib kelay? – deb kenja qizidan so‘rabdi savdogar.
Qizi:
– Otajon, o‘sha yerlarda yegan noningizning kuyuklarini bir xaltaga to‘plang, kelganingizda menga berasiz, – debdi. Savdogar Xitoyda uzoq yurib, oldi-sotdi ishlarini tugatibdi va qizlari so‘ragan narsalarni olib, uyiga qaytibdi.
Savdogar uyiga yetib kelib, ikkala qiziga sovo‘alarni topshiribdi. U kenja qiziga bir
xalta nonning kuyugini berib:
– Qizim, meni ko‘p uyaltirib qo‘ydingku? – debdi.
– Otajon, – debdi kenja qizi, – men so‘ragan narsa opalarimnikidan qimmatliroq. U
mushugini chaqirib, non kuyuklarini yedira boshlabdi. Mushuk ularni yeb bo‘libdi-
yu, oo‘riqqa chidolmay tipirchilab qolibdi.
Qiz:
– Otajon, ko‘rdingizmi, agar shu narsalarni siz o‘sha yoqda yurib yesangiz, biror
ko‘ngilsiz voqea bo‘lar edi. Men uchun sizning soo‘ yurishingiz eng katta davlat emasmi?! – debdi. Shundan keyin savdogar kenja qizining maslahati bilangina ish qiladigan bo‘libdi.
IV. Yangi mavzuni mustahkamlash
1. Nima uchun kenja qiz otasidan boshqa sovo‘a so‘ramadi?
2. Ertak qahramonlaridan qaysi biri sizga ko‘proq yoqdi? Nima uchun?
Ertak qahramonlarini sanab bering va ta’riflang. O‘quvchilarni rollarga bo‘lib o‘qitiladi. Maqol o‘qitiladi. Mazmuni haqida suhbatlashiladi
Birni bersang otangga,
Mingni berar bolang senga.