Sirdaryo viloyati Xalq ta’limi boshqarmasi Metodik xizmat bo‘limi Tuzuvchilar: F. Ergasheva

Sirdaryo viloyati Xalq ta’limi boshqarmasi
Metodik xizmat bo‘limi
Tuzuvchilar:
F.Ergasheva– Boyovut tumanidagi 1-sonli maktab o‘qituvchisi
N.To‘rayeva - Boyovut tumanidagi 19- sonli maktab o‘qituvchisi
F.Igamberdiyeva - Guliston shahar 8- sonli maktab o‘qituvchisi
U.Ermatova– Sardoba tumanidagi 6- sonli maktab o‘qituvchisi


Taqrizchilar:
O.Y.Mirbaratov – Sirdaryo viloyati xalq ta’limi boshqarma boshlig‘ining birinchi o‘rinbosari.
G.M.Davranova – Sirdaryo viloyati xalq ta’limi boshqarmasi
Metodik xizmat bo‘limi boshlang‘ich ta’lim metodisti

Ushbu metodik qo‘llanma 2-sinf IV chorak yakunidagi ona tili, o‘qish, matematika, atrofimizdagi olam fanlaridan onlayn darslar davomida o‘quvchilarning o‘zlashtirishlari qiyin bo‘lgan mavzularni o‘z ichiga olgan bo‘lib, o‘tilgan mavzularni yana bir marotaba yodga olish hamda takrorlash maqsadida boshlang‘ich sinf o‘qituvchilari hamda 2-sinf oquvchilari uchun tayyorlangan. Qo‘llanma oz ichiga namunaviy dars ishlanmalarni, testlarni hamda mavzu yuzasidan tayyorlangan taqdimotlarning elektron variantlarini jamlagan.

Sirdaryo viloyat xalq ta’limi boshqarmasi o‘quv-metodik kengashida muhokama qilingan va boshlang‘ich sinf o‘qituvchilariga elektron varianti etkazilishiga ruxsat etilgan. (2020-yil 10 iyuldagi 7- sonli bayonnoma)

SO‘ZBOSHI


Biz o‘g‘il-qizlarimizni o‘zlarini anglashga,
mustaqil, ongli fikrlashga o‘rgatishimiz,
ularning tafakkurida bo‘shliq vujudga
kelishiga yo‘l qo‘ymasligimiz lozim.
Sh.Mirziyoev

Yosh avlodni har tomonlama shakllantirish, uni barkamol inson etib tarbiyalash jamiyatimiz oldida turgan dolzarb masalalardan biridir. Bugungi yoshlarni ertangi kun kelajagini barpo etadigan, yurtning rivojlanishiga va ravnaq topishiga o‘z hissasini qo‘sha oladigan va keyingi avlodga etkaza oladigan voris qilib tarbiyalash lozim.

Boshlang‘ich ta’lim tizimining barcha bosqichlarida ta’lim jarayonining samaradorligini oshirishga xizmat qiluvchi omillarni izlab topish, mashg‘ulotlarni tashkil etishga nisbatan yangicha yondashuvni taqozo qiladi.
Shu bois ham o‘quvchilarning karantin paytida darslarida bo‘shliqning paydo bo‘lishiga yo‘l qo‘ymaslik, puxta bilim olishini ta’minlashga qaratilgan.
Ushbu metodik qo‘llanmani tuzishdan asosiy maqsad umumta’lim maktablarining boshlang‘ich sinf o‘qituvchilariga amaliy yordam berishdir. Unda namunaviy dars ishlanmalar, testlar hamda mavzu yuzasidan tayyorlangan taqdimotlarning elektron variantlari keltirilgan.
To‘plamda viloyatimizdagi ilg‘or pedagoglarning ish tajribalaridan foydalanildi.


Eslatma:
Ushbu qo‘llanma umumta’lim maktablarining boshlang‘ich sinf o‘qituvchilari uchun onlayn dars jarayonlarida o‘quvchilarning mustaqil o‘zlashtirishlari qiyin bo‘lgan mavzularni yangi o‘quv yilining birinchi oyida rejadagi mavzular bilan optimallashtirilgan holda dars mashg‘ulotlarini tashkil etishda namuna sifatida taqdim etilmoqda, bu ularning ijodiy yondashuviga hech qanday to‘siq bo‘lmaydi.

2-sinf ona tili fanidan IV chorak rejasining 3-sinf I chorak uchun optimallashtirilgan varianti