Yoshlarni turli salbiy ta’sirlardan asrashda ularning o‘zlarini anglashga o‘rgatish

Navbahor tuman 2-sonli umumiy o‘rta ta’lim maktabi amaliyotchi psixologi Inoyatova Irodaning “Yoshlarni turli salbiy ta’sirlardan asrashda ularning o‘zlarini anglashga o‘rgatish” mavzusidagi maqolaga


TAQRIZ

Bugungi kunda mamlakatimizda barcha sohalar qatorida ta’lim tizimida rivojlanish va islohotlar amalga oshirilayotgan ekan, yosh avlod tarbiyasiga bo‘lgan e’tibor ham yanada oshib bormoqda.

Respublikamiz Prezidenti Shavkat Mirziyoyevning 2018 yil 14 avgustdagi “Yoshlarni maʼnaviy-axloqiy va jismoniy barkamol etib tarbiyalash, ularga taʼlim-tarbiya berish tizimini sifat jihatidan yangi bosqichga koʻtarish chora-tadbirlari toʻgʻrisida”gi PQ-3907-sonli qarorining asosiy maqsadi Oʻzbekistonda barkamol avlodni shakllantirish, yoshlarni maʼnaviy-axloqiy va jismonan sogʻlom etib tarbiyalash, ularni mamlakatimizda olib borilayotgan islohotlarning faol ishtirokchisiga aylantirishdan iborat.
Mazkur maqolada yoshlarimizni ijtimoiy-psixologik muammolari, ularga axborot-psixologik xurujlarning xavfi, internet jahon axborot tarmog‘ining salbiy ta’siri, yoshlar tarbiyasiga xavf solayotgan “ommaviy madaniyat”ning kirib kelishi holatlarining oldini olishga qaratilgan tadbirlarini o‘tkazish haqida bayon etilgan.
Maqolada bugungi kunda yoshlarimizni turli salbiy ta’sirlardan asrash uchun yoshlarning ongi va his-tuyg‘ulariga ta’sir etuvchi va turli ijobiy qobiliyatlari va shaxsiy fazilatlarini shakllantiruvchi zamonaviy talablar asosida faoliyat olib borish, yoshlar ongida mafkuraviy immunitetni shakllantirishda milliy qadriyatlarga sodiqlik hissini rivojlantirish va kuchaytirishga qaratilgan ishlarni amalga oshirish haqida bayon etilgan bo‘lib maktab amaliyotchi psixologlari va pedagoglar foydalanishlari uchun tavsiya etiladi.


Taqrizchi: Rustamova Munisa