Sinf: 7 Mavzu. Sutemizuvchilar sinfiga mansub chorva mollari. Dars maqsadi

Darsning borishi:

1.Tashkiliy qism:

a) salomlashish;

b) navbatchi axboroti (ingliz tilida);

O’qituvchi: May oyida yurtimizda qanday bayramni nishonladik?

O’quvchilar: 9-may “Xotira va qadrlash” kuni . (She’r)

O’qituvchi: May oyida maktabimizda qaysi fan oyligi olib borilyapti?

O’quvchilar: xorijiy tillar (ingliz tili)

O’qituvchi: Fanimizga doir ingliz tilida nimani o’rgangansiz? Qani eshitaylik.

c) Fanga doir yangiliklarni tinglash.

d) o’quvchilarni yigitlar va qizlar jamoasiga birlashtirish. Jamoa sardorlariga rebus beriladi va shu rebus javobi orqali jamoa nomi aniqlanadi. 1. “Iqtidor”; 2. “Iste’dod”.

O’qituvchi: Dunyoda shunday boylik borki, o’tda yonmaydi, suvda cho’kmaydi, uni yo’qotib qo’yish ham mumkin emas. U doim bizga hamroh bo’ladi. Bu qanday boylik? Bu – bilim. O’ylaymanki o’tgan darslar davomida shunday boylikka ega bo’lib boryapsiz. Bugungi darsimizda u sizga asqotsa ajab emas.

Bugungi darsimizga she’riyat sultoni Alisher Navoiyning ushbu satrlarini shior qilib olamiz:(1-slayd)

Har ishki qilmish odamizod,

Tafakkur birla bilmish odamizod.

Shoir bu satrlari orqali inson o’z bilimi bilan tafakkur qilib, ya’ni fikrlab muammo va jumboqlarni yecha olishini ifodalagan. Siz ham bugun barcha savol va topshiriqlarga bilimingizni ishga solib, fikrlab javob berasiz degan umiddaman.